മധ്യപ്രദേശില് വനിതാ ഇന്സ്പെക്ടറെ മണല് മാഫിയ ആക്രമിച്ചു
മണല്ക്കടത്തുകാരുടെ കൈക്കരുത്തില് വനിതാ ഇന്സ്പെക്ടര്ക്ക് ക്രൂരമര്ദ്ദനം. മധ്യപ്രദേശില് വനിതാ മൈനിംഗ് ഇന്സ്പെക്ടര്ക്കും ഹോം ഗാര്ഡുകള്ക്കും നേരെ മണല് മാഫിയയുടെ ആക്രമണം. ഷാജപുരിലെ നെവാജ് നദി തീരത്ത് ബുധനാഴ്ച പരിശോധനയ്ക്ക് എത്തിയ ഇന്സ്പെക്ടര് റീന പതക ആണ് ആക്രമണത്തിന് ഇരയായത്. മുഖ്യമന്ത്രിയുടെ ഹെല്പ് ലൈനിലേക്ക് ലഭിച്ച പരാതിയുടെ അടിസ്ഥാനത്തിലാണ് ഇന്സ്പെക്ടര് ഇവിടെ പരിശോധനയ്ക്ക് എത്തിയത്.
അതേസമയം, ഇന്സ്പെക്ടര് റെയ്ഡ് നടത്തിയ രീതി ശരിയായില്ലെന്ന് ഷാജാപൂര് സബ് ഡിവിഷണല് മജിസ്ട്രേറ്റ് രഞ്ജീത് സിംഗ് പറഞ്ഞു. പരാതി ലഭിച്ചാല് റെയ്ഡ് നടത്തുന്നതിനു മുന്പ് പ്രദേശിക ഭരണകൂടത്തെയും പോലീസിനെയും അറിയിക്കേണ്ടതുണ്ട്. എന്നാല് അവര് ഇക്കാര്യം ആരെയും അറിയിച്ചിരുന്നില്ല. അതുകൊണ്ടാണ് ഇത്തരം അനിഷ്ട സംഭവമുണ്ടായതെന്നും രഞ്ജീത് സിംഗ് പറഞ്ഞു. എന്നാല് താന് ലോക്കല് പോലീസ് സ്റ്റേഷനില് അറിയിപ്പ് നല്കിയിരുന്നതായി ഇന്സ്പെക്ടര് വ്യക്തമാക്കി.
നദിയില് നിന്നും മണല് കടത്തിക്കൊണ്ടിരുന്ന നാല് ട്രാക്ടര് ട്രോളികള് ഇവര് പിടിച്ചെടുത്തു. ഇതിനിടെ ഓടിരക്ഷപ്പെട്ട ട്രോളികളിലെ െ്രെഡവര്മാര് കൂടുതല് ആളുകളുമായി തിരിച്ചെത്തി ഇന്സ്പെക്ടര് അടക്കമുള്ള സംഘത്തെ ആക്രമിക്കുകയായിരുന്നു. വടികളും കല്ലുകളും ഉപയോഗിച്ചായിരുന്നു ആക്രമണം. ഇന്സ്പെക്ടറുടെ കാറും സംഘം തകര്ത്തു. ഇതിനിടെ ഓടിരക്ഷപ്പെട്ട ചില ഹോം ഗാര്ഡുമാര് സമീപത്തുള്ള പോലീസ് സ്റ്റേഷനില് വിവരം അറിയിക്കുകയായിരുന്നു. സംഭവത്തില് നാലു സ്ത്രീകള് അടക്കം 21 പേര്ക്കെതിരെ പോലീസ് കേസെടുത്തിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
