സർക്കാർ പുറത്തിറക്കുന്ന ഡിജിറ്റൽ കറന്സികള്ക്ക് മാത്രമാകും രാജ്യത്ത് അനുമതി; ക്രിപ്റ്റോകറന്സികള് ഉടന് നിരോധിക്കുമെന്ന് കേന്ദ്രധനമന്ത്രി നിര്മല സീതാരാമന്
രാജ്യത്ത് ബിറ്റ്കോയിന് ഉള്പ്പെടെയുള്ള ക്രിപ്റ്റോകറന്സികള് ഉടന് നിരോധിക്കുമെന്ന് കേന്ദ്രധനമന്ത്രി നിര്മല സീതാരാമന്. ക്രിപ്റ്റോകറന്സി ട്രേഡിങ് സംബന്ധിച്ച് കര്ശനനിര്ദേശങ്ങള് പുറപ്പെടുവിക്കാന് പദ്ധതിയുണ്ടോയെന്ന രാജ്യസഭയിലെ ചോദ്യത്തിന് മറുപടിയായാണ് ധനമന്ത്രി ഇക്കാര്യം വ്യക്തമാക്കിയത്. ക്രിപ്റ്റോ കറന്സികളെകുറിച്ച് പഠിക്കാൻ നിയോഗിച്ച ഉന്നതതല സമിതിയുടെ നിർദ്ദേശം അനുസരിച്ചെന്നാണ് മന്ത്രി പറഞ്ഞത്.
ആര്ബിഐ ഇക്കാര്യത്തില് തീരുമാനമെടുത്ത് ബില്ലും തയ്യാറാക്കി വരികയാണ്. സർക്കാർ പുറത്തിറക്കുന്ന ഡിജിറ്റല് കറന്സികള്ക്ക് മാത്രമാകും രാജ്യത്ത് ഇനി മുതല് വിനിമയത്തിന് അനുമതി നൽകുക. നിരോധനക്കാര്യത്തില് എംപവേഡ് ടെക്നോളജി ഗ്രൂപ്പിന്റെ യോഗം വൈകാതെ ചേരുമെന്ന് ധനസഹമന്ത്രി അനുരാഗ് ഠാക്കൂര് പറയുകയുണ്ടായി. ഉടൻ തന്നെ പാർലമെന്റിലും അവതരിപ്പിക്കുമെന്നും അദ്ദേഹം വ്യക്തമാക്കി. ക്രിപ്റ്റോ കറന്സി ഉപയോഗിച്ചുള്ള വിനിമയങ്ങള്ക്ക് ഏര്പ്പെടുത്തിയിരുന്ന വിലക്ക് ഈയിടെ സുപ്രിംകോടതി നീക്കിയതായിരുന്നു. ഇതോടെയാണ് നിരോധന ബില് കൊണ്ടുവരാന് സര്ക്കാര് നീക്കം തുടങ്ങിയത്.
https://www.facebook.com/Malayalivartha
