റിലയന്സും ഫ്യൂച്ചര് ഗ്രൂപ്പും തമ്മിലുള്ള ഇടപാട് തടയണം ; ആമസോണ് സുപ്രീംകോടതിയിലേക്ക്
റിലയന്സും ഫ്യൂച്ചര് ഗ്രൂപ്പും തമ്മിലുള്ള ഇടപാട് തടയണമെന്ന് ആവശ്യമുന്നയിച്ച് ആമസോണ് സുപ്രീംകോടതിയിലേക്ക്. മുകേഷ് അംബാനിയുടെ റിലയന്സ് ഇന്ഡസ്ട്രീസിനെ ലക്ഷ്യമിട്ടാണ് ആമസോണ് സുപ്രീംകോടതിയിലേക്ക് പോകുന്നത്. ഇവരുടെ ഇടപാടിന് ഡല്ഹി ഹൈകോടതി സിംഗിള് ബെഞ്ച് സ്റ്റേ അനുവദിച്ചിരുന്നു. എങ്കിലും ഡിവിഷന് ബെഞ്ച് അത് നീക്കുകയായിരുന്നു.
രണ്ട് കമ്പനികളും തമ്മിലുള്ള കരാറിന്റെ തുടര് നടപടികളുമായി കോംപറ്റീഷന് കമ്മിഷനിലും സെബിയിലും മുന്നോട്ട് പോകാനാണ് ഹൈക്കോടതി അനുമതി നല്കിയിരിക്കുന്നത്. പക്ഷേ ഇത് ഇടക്കാല വിധിയാണെന്നും കേസ് ഫെബ്രുവരി 26ന് പരിഗണിക്കുമെന്നും കോടതി വ്യക്തമാക്കി കഴിഞ്ഞു . റിലയന്സിന് ഓഹരികള് വില്ക്കാനുള്ള ഫ്യൂച്ചര് ഗ്രൂപ്പ് തീരുമാനം തങ്ങളുമായുള്ള കരാറിന്റെ ലംഘനമാണെന്നാണ് ആമസോണ് വാദം. ഇടപാടിനെതിരെ സിംഗപ്പൂരിലെ തര്ക്ക പരിഹാര കോടതിയുടെ ഉത്തരവ് നിലവിലുണ്ടെന്ന് ആമസോണ് വാദിക്കുന്നു. ഇത് കരാറില് ബാധകമാക്കണമെന്നാണ് ആമസോണ് ആവശ്യപ്പെട്ടിരിക്കുകയാണ്.
https://www.facebook.com/Malayalivartha
