മൂന്ന് കാര്ഷിക നിയമങ്ങളും കര്ഷകരെ വഞ്ചിക്കാന് തയാറാക്കിയത്; ബജറ്റ് ചര്ച്ചയില് നിന്ന് രാഹുല് ഗാന്ധി ഇറങ്ങിപോയി
ബജറ്റ് ചര്ച്ചയില് നിന്ന് രാഹുല് ഗാന്ധി ഇറങ്ങിപോയി. കാര്ഷിക നിയമങ്ങളെ കുറിച്ചുള്ള പരാതികള് ഉന്നയിക്കാനുള്ള ശ്രമം തടസപ്പെട്ടതോടെയാണ് രാഹുല് സഭ വിട്ടത്. മൂന്ന് കാര്ഷിക നിയമങ്ങളും കര്ഷകരെ വഞ്ചിക്കാന് തയാറാക്കിയതാണെന്ന് സഭ വിടുന്നതിന് മുന്പ് രാഹുല് ഗാന്ധി കുറ്റപ്പെടുത്തി.
നാല് മണിക്ക് ചേര്ന്ന ലോക്സഭയുടെ ഇന്നത്തെ പ്രധാന അജണ്ട ബജറ്റ് ചര്ച്ചയായിരുന്നു. രാഹുല് ഗാന്ധി ബജറ്റ് ചര്ച്ചയുടെ ഭാഗമായി കാര്ഷിക നിയമങ്ങള്ക്കെതിരെ രൂക്ഷ വിമര്ശനമാണ് ഉന്നയിച്ചത്. സര്ക്കാര് കാര്ഷിക നിയമങ്ങളിലൂടെ കുത്തകകളെ സഹായിക്കാനാണ് ശ്രമിക്കുന്നത് എന്നും ആരോപിച്ചു.
ട്രഷ്റി ബന്ച് ക്രമപ്രശ്നം വിഷയത്തില് ഉന്നയിച്ചു. കാര്ഷിക നിയമങ്ങള് ഒരിക്കല് ചര്ച്ച ചെയ്ത് സഭ പാസാക്കിയതിനാല് ഇനി ആ വിഷയം സഭയില് ചര്ച്ച ചെയ്യാന് റൂള് അനുസരിച്ച് സാധിയ്ക്കില്ലെന്ന് സ്പീക്കര് വ്യക്തമാക്കി. ഇതോടെ ഭരണ പക്ഷം കൂടുതല് ശബ്ദമുയര്ത്തി രാഹുലിന്റെ പ്രസംഗം തടസപ്പെടുത്തി. ശബ്ദം ഉച്ചസ്ഥായിയില് എത്തിയതോടെ രാഹുല് ഗാന്ധി പ്രസംഗം മുഴുവിക്കാതെ സഭ വിട്ട് പുറത്ത് പോയി.
https://www.facebook.com/Malayalivartha
