മമത ബാനര്ജിയുടെ സര്ക്കാര് പാവപ്പെട്ട കര്ഷകര്ക്ക് കേന്ദ്രം നല്കുന്ന സഹായം തടയുകയാണ്; ബി.ജെ.പി അധികാരത്തിലെത്തിയാല് കര്ഷകരുടെ അക്കൗണ്ടിലേക്ക് 18,000 രൂപ എത്തുമെന്ന് അമിത് ഷാ
മമത ബാനര്ജിയുടെ സര്ക്കാര് പാവപ്പെട്ട കര്ഷകര്ക്ക് കേന്ദ്രം നല്കുന്ന സഹായം തടയുകയാണെന്നും ആഭ്യന്തര മന്ത്രി അമിത് ഷാ ആരോപിച്ചു.കേന്ദ്രസര്ക്കാര് പ്രഖ്യാപിച്ച ആറായിരം രൂപ കര്ഷകര്ക്ക് നല്കുന്നതില് മമത തടസം നില്ക്കുന്നെന്ന് അമിത് ഷാ ആരോപിച്ചു. ബംഗാളില് ബി.ജെ.പി സര്ക്കാര് അധികാരത്തിലെത്തിയാല് കര്ഷകരുടെ ബാങ്ക് അക്കൗണ്ടിലേക്ക് 18,000 രൂപ എത്തുമെന്ന് പ്രഖ്യാപിച്ചിരിക്കുകയാണ് അമിത് ഷാ. ബംഗാളിലെ കൂച്ച് ബെഹറില് പരിവര്ത്തന് യാത്ര ഉദ്ഘാടനം ചെയ്യുകയായിരുന്നു അദ്ദേഹം.
മമത അര്ഹതപ്പെട്ടവരുടെ പേരോ ബാങ്ക് ഡീറ്റൈല്സോ ഇതുവരെ നല്കിയിട്ടില്ല. മോദിയുടെ പ്രശസ്തിയില് പേടി തോന്നിയ മമത ആനുകൂല്യങ്ങള് തടയുകയാണ്. നിങ്ങള് ഒന്നുകൊണ്ടും പേടിക്കേണ്ട. ബിജെപി സര്ക്കാര് ഇവിടെ അധികാരത്തിലെത്തി ആദ്യ മന്ത്രിസഭാ യോഗത്തില് തന്നെ 18,000 രൂപ നിങ്ങളുടെ അക്കൗണ്ടിലെത്തുമെന്ന് അമിത് ഷാ പറഞ്ഞു. ബംഗാളില് തിരഞ്ഞെടുപ്പ് അവസാനിക്കുന്നതിന് മുന്പ് മമത ബാനര്ജി ജയ്ശ്രീറാം വിളിക്കാന് തുടങ്ങുമെന്ന് അദ്ദേഹം പ്രസംഗിച്ചു.
https://www.facebook.com/Malayalivartha
