ഉത്തരാഖണ്ഡിലെ ചമോലിയില്‍ ഞായറാഴ്ച മഞ്ഞുമലയിടിഞ്ഞുണ്ടായ മിന്നല്‍പ്രളയത്തിനിടെ തപോവന്‍ ജലവൈദ്യുതപദ്ധതിയുടെ തുരങ്കത്തില്‍ കുടുങ്ങിക്കിടക്കുന്നവരെ കണ്ടെത്താനുള്ള സംയുക്ത സൈന്യത്തിന്റെ ശ്രമം തുടരുന്നു.തുരങ്കത്തിന് കുടുങ്ങിപ്പോയവര്‍ക്ക് ഓക്‌സിജന്‍ എത്തിക്കാനുള്ള ശ്രമങ്ങളാണ് നടന്നത്.

തുരങ്കത്തിന് വായു സഞ്ചാരമുള്ള ചെറിയ ദ്വാരങ്ങളുള്ളതിനാല്‍ തൊഴിലാളികള്‍ സുരക്ഷിതരാണെന്ന് പ്രതീക്ഷയിലാണ് നടപടികള്‍ പുരോഗമിക്കുന്നത് .വെള്ളവും ഭക്ഷണവും ലഭിക്കാത്തതിനാല്‍ ഇവരുടെ അവസ്ഥ വളരെ പരിതാപകരമാവാമെന്ന് ഇന്തോ-ടിബറ്റന്‍ അതിര്‍ത്തി പോലീസ് തലവന്‍ എസ്.എസ്. ദേസ്വാള്‍ പറഞ്ഞു.


ഐടിബിപിയും ദേശീയ ദുരന്ത നിവാരണ സേനയും സൈന്യവുമാണ് രക്ഷാപ്രവര്‍ത്തനത്തില്‍ സജീവമാകുന്നത് . പ്രളയത്തെത്തുടര്‍ന്ന് അടഞ്ഞ തുരങ്കമുഖം തുറന്ന് മുന്നേറാനുള്ള ശ്രമങ്ങള്‍ക്കു തിരിച്ചടിയായി ധൗലിഗംഗ നദിയില്‍ വ്യാഴാഴ്ച അപ്രതീക്ഷിതമായി ജലനിരപ്പ് ഉയര്‍ന്നിരുന്നു.

ഇത് രക്ഷാപ്രവര്‍ത്തനം കുറച്ചുസമയം തടസപ്പെട്ടാന്‍ കാരണമായി.ദുരന്തത്തില്‍ 35 പേരുടെ മൃതദേഹം കിട്ടി. 200 ഓളം പേരെ കാണാതായിട്ടുണ്ട്. സൈന്യം തെരച്ചില്‍ ഊര്‍ജ്ജിതമാക്കി.