കുടുംബ വഴക്കിനിടെ ഭർത്താവിനെ വാഹനത്തിൽ വലിച്ചിഴച്ചു; ഭാര്യയും സഹോദരനും പിടിയിൽ, കൊലപാതകശ്രമമെന്ന് പോലീസ്
കുടുംബവഴക്കിനെ തുടർന്ന് യുവാവിനെ ടെമ്പോയിൽ വലിച്ചിഴച്ച സംഭവത്തിൽ ഭാര്യയ്ക്കും ഭാര്യാസഹോദരനുമെതിരെ കേസ്. ഗുജറാത്തിലെ സൂററ്റിലെ കഡോദരയിലാണ്ക്രൂരമായ സംഭവം അരങ്ങേറിയിരിക്കുന്നത്.
കുടുംബവഴക്കിനെ തുടർന്നാണ് ബാൽകൃഷ്ണ റാത്തോഡ് എന്ന യുവാവിനെ അരകിലോമീറ്ററോളം ദൂരം വാഹനത്തിൽ സഹോദരങ്ങൾ കെട്ടിവലിച്ചത്. ഇയാളുടെ ഭാര്യ ശീതളിനെയും അവരുടെ സഹോദരൻ അനിലിനെയും അറസ്റ്റ് ചെയ്തതായി പൊലീസ് പറഞ്ഞു.
ബാൽകൃഷ്ണ റാത്തോഡിന്റെ ഭാര്യ ശീതളിനെതിരെ കൊലപാതക ശ്രമത്തിനു കേസെടുത്തതായി കഡോദര പൊലീസ് പറഞ്ഞിരിക്കുകയാണ്. മിൽ തൊഴിലാളിയാണ് ബാൽകൃഷ്ണ. ദിവസവും ഇയാൾ മദ്യപിച്ച് ഭാര്യദിവസവും മർദ്ദിക്കുമായിരുന്നു. കഴിഞ്ഞ ദിവസത്തെ മർദ്ദനവിനൊടുവിൽ ഭാര്യ ശീതൾ സഹോദരനെ വിളിച്ച് വരുത്തുകയായിരുന്നു.
എന്നാൽ സഹോദരൻ അനിലുമായിട്ടുള്ള വഴക്ക് രൂക്ഷമായതിനെ തുടർന്ന് അനിൽ ബാൽകൃഷ്ണയെ മർദ്ദിക്കുകയും ടെംപോയിൽ കെട്ടി വലിക്കുകയും ചെയ്തു. സംഭവത്തിന്റെ വീഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുകയാണ്. സംഭവം കണ്ടു നിന്ന പ്രദേശവാസികളായിരുന്നു ടെംപോ നിർത്തിച്ച് ബാൽ കൃഷ്ണയെ രക്ഷിക്കാൻ ശ്രമിച്ചത്.
നാട്ടുകാർ അനിലിനെ മർദ്ദിച്ചതിന് ശേഷം പൊലീസിന് കൈമാറുകയുണ്ടായി. റോഡിലൂടെ വലിച്ചിഴച്ചതിനെ തുടർന്നു ഗുരുതരമായി പരുക്കേറ്റ ബാൽകൃഷ്ണയെ ആശുപത്രിയിൽ പ്രവേശിപ്പിച്ചിരിക്കുയാണ്. ബാൽകൃഷ്ണയുടെ നില ഗുരുതരമാണെന്നും അബോധാവസ്ഥയിലാണെന്നും പൊലീസ് പറയുകയുണ്ടായി.കൊലപാതക ശ്രമത്തിന് ഭാര്യ ശീതളിനെതിരെ കേസെടുത്തിരിക്കുകയാണ്.
https://www.facebook.com/Malayalivartha