ഡി.​എം.കെയ്‌ക്കെതിരെ വിമർശനവുമായി നടന്‍ കമല്‍ ഹാസന്‍. ‘ മക്കള്‍ നീതി മയ്യ’ത്തിന്‍റെ ആശയങ്ങള്‍ എം.കെ. സ്റ്റാലിന്‍റെ പാര്‍ട്ടി മോഷ്ട്ടിച്ചെടുത്തു എന്ന ആരോപണമാണ് നടന്‍ കമല്‍ ഹാസന്‍ നടത്തിയിരിക്കുന്നത് . വീട്ടുജോലിക്ക്​ ശമ്പളവും പ്രതിവര്‍ഷം 10 ലക്ഷം ​തൊഴിലവസരങ്ങളും ദാരിദ്ര്യരേഖക്ക് താഴെയുള്ളവര്‍​ക്ക്​ പിന്തുണ ​ തുടങ്ങിയവ ഡി.എം.കെ മോഷ്​ടിച്ചു​വെന്നാണ്​ കമല്‍ ഹാസന്‍ വ്യക്തമാക്കിയിരിക്കുന്നത് .

 
സ്ത്രീകളുടെ വീട്ടുജോലി ഓഫിസ്​ ജോലിയായി പരിഗണിച്ച്‌​ മാസം 1,000 രൂപ വീട്ടമ്മമാര്‍ക്ക്​ നല്‍കുമെന്നാണ്​ ഡി.എം.കെ വികസനരേഖയിൽ വാഗ്​ദാനം ചെയ്തിരിക്കുന്നുണ്ട് . മാത്രമല്ല ​പ്രതിവര്‍ഷം 10 ലക്ഷം തൊഴില്‍ സൃഷ്​ടിക്കുമെന്നും കുടുംബത്തിന്‍റെ വരുമാനം ഉയര്‍ത്തുമെന്നും ഡി.​എം.കെ വാഗ്ദാനം ചെയ്തിരുന്നു.

എന്നാൽ ‘തമിഴ്​നാട്ടിലെ എല്ലാ കുടുംബനാഥകള്‍ക്കും മാസം 1,000 രൂപ ശമ്പളം നല്‍കാന്‍ പോകുന്നു. ഇതിന്‍റെ ഫലമായി പൊതു വിതരണ സംവിധാനത്തി​ലൂടെ ഭക്ഷ്യവസ്​തുക്കള്‍ ഉള്‍പ്പെടെയുള്ളവ എല്ലാ കുടുംബങ്ങള്‍ക്കും ലഭ്യമാകും തുടങ്ങിയ വാഗ്ദാനങ്ങൾ തിരുച്ചിറപ്പിള്ളിയില്‍ നടന്ന റാലിക്കിടെ ഡി.എം.കെ അധ്യക്ഷന്‍ എം.കെ. സ്റ്റാലിനും പറയുകയുണ്ടായി.

എന്നാൽ നേരത്തേ വീട്ടമ്മമാര്‍ക്ക്​ ശമ്പളം നല്‍കുമെന്ന കമല്‍ഹാസന്‍റെ പരാമര്‍ശം ഏറെക്കുറെ വിവാദങ്ങളിലേക്ക് നയിക്കപ്പെട്ടിരുന്നു .അധികാരത്തിലെത്തിയാല്‍ വീട്ടമ്മമാര്‍ക്ക്​ മാസ ശമ്പളം ഉറപ്പാക്കുമെന്നായിരുന്നു കമല്‍ ഹാസനും പ്രഖ്യാപിച്ചത് .

സ്റ്റാലിന്‍ ഞങ്ങളുടെ ആശയങ്ങള്‍ പകര്‍ത്തി അവരുടേതാക്കി മാറ്റിയിരിക്കുകയാണെന്നും . നേരത്തേ ഞാന്‍ പറഞ്ഞിരുന്നു വീട്ടമ്മമാര്‍ക്ക്​ ശമ്പളം ഉറപ്പാക്കുമെന്ന്. ഇപ്പോള്‍ അദ്ദേഹം പറയുന്നു വീട്ടമ്മമാര്‍ക്ക്​ 1000 രൂപ വീതം നല്‍കുമെന്ന്​. ബെയ്​ജിങ്​ വിളംബരത്തെ അടിസ്​ഥാനമാക്കി ഇത്തരമൊരു​ വാഗ്​ദാനം നല്‍കിയ ആദ്യ രാഷ്​ട്രീയ പാര്‍ട്ടി ഞങ്ങ​ളുടേതാണെന്നും കമല്‍ ഹാസന്‍ വ്യക്തമാക്കി.

‘മക്കള്‍ നീതി മയ്യം’ പാര്‍ട്ടി സംസ്​ഥാനത്ത്​ 50 ലക്ഷം തൊഴിലുകള്‍ അഞ്ചുവര്‍ഷത്തിനുള്ളില്‍ സൃഷ്​ടിക്കുമെന്ന്​ വാഗ്​ദാനം ചെയ്യുകയുണ്ടായി . എന്നാല്‍ ഡി.എം.കെയുടെ വാഗ്​ദാനം ഒരു വര്‍ഷം 10ലക്ഷം തൊഴിലുകള്‍ സൃഷ്​ടിക്കുമെന്നാണ്​. അഞ്ചുവര്‍ഷം കൊണ്ട്​ 50 ലക്ഷം തൊഴിലുകള്‍ സൃഷ്​ടിക്കുമെന്നതിന്​ സമാനമാണിതെന്നും കമല്‍ ഹാസന്‍ പറഞ്ഞു.