പരാതി നല്കാൻ സ്റ്റേഷനിൽ എത്തിയ ഇരുപത്തിയാറുകാരിയെ എസ്.ഐ. ലൈംഗികമായി പീഡിപ്പിച്ചു... എസ്.ഐയെ അറസ്റ്റ് ചെയ്തു...
രാജസ്ഥാനിലെ ആല്വാറില് പരാതി നല്കാനായി സ്റ്റേഷനിലെത്തിയ യുവതിയെ എസ്.ഐ പീഡിപ്പിച്ചു.
യുവതിയുടെ പരാതിയിന്മേൽ എസ്.ഐയെ പൊലീസ് അറസ്റ്റ് ചെയ്തു. ആല്വാര് ഖേര്ലി പോലീസ് സ്റ്റേഷനിലെ സബ് ഇന്സ്പെക്ടറായ ഭരത് സിങ്ങിനെ(54)യാണ് അറസ്റ്റ് ചെയ്തത്.
മാര്ച്ച് രണ്ടാം തീയതിയാണ് പോലീസ് സ്റ്റേഷനിലെത്തിയ 26-കാരിയെ എസ്.ഐ. ലൈംഗികമായി പീഡനത്തിന് ഇരയാക്കിയത്.
ഭര്ത്താവിനെതിരേ പരാതി നല്കാനായി മാര്ച്ച് രണ്ടാം തീയതി ചൊവ്വാഴ്ച വൈകിട്ട് 5.30 ഓടെയാണ് യുവതി പോലീസ് സ്റ്റേഷനിൽ എത്തിയത്. തുടര്ന്ന് എസ്.ഐ.യെ നേരിട്ടു കണ്ട് പരാതി സമർപ്പിച്ചു.
ഇതിനു പിന്നാലെയാണ് പ്രശ്നത്തില് സഹായിക്കാമെന്നും ചിലകാര്യങ്ങള് സംസാരിക്കാമെന്നും പറഞ്ഞ് പോലീസ് സ്റ്റേഷനിലെ തന്റെ ക്വാര്ട്ടേഴ്സിലേക്ക് എസ്.ഐ. യുവതിയെ കൂട്ടിക്കൊണ്ടു പോയത്.
ഇവിടെ വെച്ച് യുവതിയെ ലൈംഗികമായി പീഡിപ്പിക്കുകയായിരുന്നു. ഈ സംഭവത്തിന് ശേഷം തന്റെ പരാതിയെക്കുറിച്ച് അന്വേഷിക്കാന് യുവതി വീണ്ടും പോലീസ് സ്റ്റേഷനില് എത്തിയപ്പോഴും എസ്.ഐ. പീഡിപ്പിക്കാന് ശ്രമിച്ചു.
ഇതോടെ യുവതി മറ്റൊരു പോലീസ് ഉദ്യോഗസ്ഥനോട് വിവരം പറയുകയും തുടര്ന്ന് ആല്വാര് എസ്.പിയ്ക്ക് പരാതി നല്കുകയുമായിരുന്നു. എസ്.പിയുടെ ഉത്തരവിനെ തുടർന്ന് എസ്.ഐയെ അറസ്റ്റ് ചെയ്യുകയായിരുന്നു.
https://www.facebook.com/Malayalivartha