ഉത്തരാഖണ്ഡലിലെ ഹരിദ്വാറില് കുംഭമേള നടക്കാനിരിക്കെ കോവിഡ് വര്ധിക്കുന്നത് ആശങ്ക ഉയര്ത്തുന്നു.... കുംഭമേള കോവിഡിന്റെ സൂപ്പര് സ്പ്രെഡിന് കാരണമാകുമെന്ന ആശങ്കയില് അധികൃതര്
ഉത്തരാഖണ്ഡലിലെ ഹരിദ്വാറില് കുംഭമേള നടക്കാനിരിക്കെ കോവിഡ് വര്ധിക്കുന്നത് ആശങ്ക ഉയര്ത്തുന്നു. കുംഭമേള കോവിഡിന്റെ സൂപ്പര് സ്പ്രെഡിന് കാരണമാകുമെന്ന ആശങ്കയിലാണ് അധികൃതര്.
ഇന്നലെ ഹരിദ്വാറില് 372 പേര്ക്ക് കോവിഡ് സ്ഥിരീകരിച്ചു. സംസ്ഥാനത്ത് 7,323 സജീവ കേസുകളാണ് നിലനില്ക്കുന്നത്. ഇതുവരെ ആകെ 1,08,812 പേര്ക്കാണ് കോവിഡ് ബാധിച്ചത്. 1,760 പേര് മരിച്ചു. 'ഷാഹി സ്നാന്' നടക്കുന്ന സ്ഥലമായ ഹരിദ്വാറിലെ ഹാര് കി പൗരിയില് ഞായറാഴ്ച വന് ജനക്കൂട്ടമായിരുന്നു. ഇവരില് ഭൂരിപക്ഷം പേരും മാസ്ക് ധരിക്കുകയോ സാമൂഹിക അകലം പാലിക്കുകയോ ചെയ്തിരുന്നില്ല.
ഞായറാഴ്ച ഹര് കി പൗരിയില് നടന്ന റാന്ഡം പരിശോധനയില് കുറഞ്ഞത് ഒമ്പത് പേര്ക്കെങ്കിലും രോഗം കണ്ടെത്തി. അഖില് ഭാരതീയ അഖാഡ പരിഷത്ത് പ്രസിഡന്റ് മഹന്ത് നരേന്ദ്ര ഗിരി മഹാരാജിനും കോവിഡ് സ്ഥിരീകരിച്ചു. രാജ്യത്തിന്റെ വിവിധ ഭാഗങ്ങളില്നിന്ന് പതിനായിരക്കണക്കിന് ഭക്തര് ഒത്തുകൂടുന്ന വലിയ ചടങ്ങാണ് കുംഭമേള.
ഉത്തരാഖണ്ഡിലെ പുതിയ മുഖ്യമന്ത്രി അധികാരമേറ്റയുടന് കേന്ദ്രത്തിന്റെ മാര്ഗരേഖ നിര്ത്തിവച്ചിരുന്നു. സംസ്ഥാന സര്ക്കാര് സ്വന്തംനിലയ്ക്കുള്ള നിയന്ത്രണങ്ങള് ഏര്പ്പെടുത്തുകയും ചെയ്തു.
https://www.facebook.com/Malayalivartha