വൃദ്ധയെ ക്രൂരമായി മര്‍ദ്ദിച്ചു കൊലപ്പെടുത്തിയ ശേഷം മൃതദേഹം ലൈംഗികമായി പീഡിപ്പിച്ചതായി ചെയ്തതായി കേസ്. മഹാരാഷ്ട്രയിൽ ചാകന് സമീപമുള്ള ഒരു ഗ്രാമത്തിലാണ് സംഭവം നടന്നിരിക്കുന്നത്.

ദേശീയ മാധ്യമങ്ങളാണ് സംഭവം പുറംലോകത്തെ അറിയിച്ചത്. തിങ്കളാഴ്ചയാണ് 75കാരിയുടെ വീട്ടിൽ മൃതദേഹം അര്‍ധനഗ്നമായ നിലയിൽകാണുന്നത്.

മരിച്ച വൃദ്ധയുടെ അയൽവാസിയാണ് പ്രതിയെന്നാണ് റിപ്പോർട്ടുകളിൽ പറയുന്നത്. വൃദ്ധ തനിച്ചാണ് താമസിക്കുന്നതെന്ന വിവരം പ്രതിയ്ക്ക് വ്യക്തമായി അറിയാമായിരുന്നു. തിങ്കളാഴ്ച വൃദ്ധയെ ഉപദ്രവിക്കാനുള്ള ലക്ഷ്യത്തോടെ പ്രതി ഇവരുടെ വീട്ടിലേയ്ക്ക് പോകുന്നതായി ചിലര്‍ കണ്ടെന്നാണ് റിപ്പോര്‍ട്ടുകള്‍.

ഊതുന്ന കുഴൽ ഉപയോഗിച്ച് വൃദ്ധയെ തലയ്ക്കടിച്ച് കൊലപ്പെടുത്തുകയായിരുന്നുവെന്നാണ് ആരോപണം. വൃദ്ധയെ ക്രൂരമായി പരിക്കേൽപ്പിച്ചു കൊലപ്പെടുത്തിയ ശേഷം മൃതദേഹത്തെ ബലാത്സംഗം ചെയ്ത 52കാരൻ സ്ഥലത്തു നിന്ന് രക്ഷപെടുകയായിരുന്നു.

സംഭവത്തെപ്പറ്റി വിവരം ലഭിച്ച പോലീസ് അന്വേഷണം തുടങ്ങുകയും അയൽവാസികളെ ചോദ്യം ചെയ്യുകയും ചെയ്തു. പ്രതിയെ കൊല്ലപ്പെട്ട വൃദ്ധയുടെ വീടിനു സമീപം സംഭവദിവസം കണ്ടതായി സാക്ഷിമൊഴികളുണ്ട്.

പ്രതിയെക്കുറിച്ച് പോലീസിനു വിവരം ലഭിച്ചതോടെ ഇയാളെ ഡോഗ് സ്ക്വാഡിൻ്റെ സഹായത്തോടെ കണ്ടെത്തുകയായിരുന്നു. പ്രതി കുറ്റസമ്മതം നടത്തിയതായാണ് വാർത്തകളിൽ പറയുന്നത്.