രാംദേവ് വാക്സിനേഷന്‍ സംബന്ധിച്ച തെറ്റായ വിവരങ്ങള്‍ പ്രചരിപ്പിക്കുന്നത് അവസാനിപ്പിക്കണമെന്ന് ആവശ്യപ്പെട്ട് ഇന്ത്യന്‍ മെഡിക്കല്‍ അസോസിയേഷന്‍ (ഐ.എം.എ) പ്രധാനമന്ത്രി നരേന്ദ്ര മോദിക്ക് കത്തയച്ചു. രാജ്യദ്രോ​ഹ നിയമപ്രകാരം രാംദേവിനെതിരെ നടപടി സ്വീകരിക്കണമെന്നും കത്തില്‍ ഐ.എം.എ ആവശ്യപ്പെട്ടു.

രണ്ടു ഡോസ് കൊവിഡ് വാക്സിന്‍ എടുത്തതിനു ശേഷവും 10,000 ഡോക്ടര്‍മാര്‍ മരിച്ചുവെന്നും അലോപതി മരുന്നുമൂലം ലക്ഷക്കണക്കിന് പേര്‍ മരിച്ചുവെന്നും അവകാശപ്പെടുന്ന വീഡിയോ വേദനയോടെ നിങ്ങളുടെ ശ്രദ്ധയില്‍ പെടുത്താന്‍ ആഗ്രഹിക്കുന്നതായി കത്തില്‍ ഐ.എം.എ പറയുന്നു. ഈ ആരോപണങ്ങള്‍ രാംദേവ് ഉന്നയിച്ചതാണെന്നും വീഡിയോ സോഷ്യല്‍ മീഡിയയില്‍ വെെറലായതായും അവര്‍ ചൂണ്ടിക്കാട്ടി.