മുങ്ങിയ മെഹുല് ചോക്സിയെ പൊക്കി... ഡൊമിനിക്ക പൊലീസ് നടപടി ഇന്റര്പോളിന്റെ 'യെല്ലോ കോര്ണര്' നോട്ടീസിനെ തുടര്ന്ന്; ഇന്ത്യക്ക് കൈമാറുമെന്ന് ആന്റിഗ്വന് പ്രധാനമന്ത്രി ഗാസ്റ്റണ് ബ്രൗണ്; ഇന്ത്യയുടെ നീക്കം ഫലം കാണുന്നു
പഞ്ചാബ് നാഷണല് ബാങ്കില് വായ്പ തട്ടിപ്പ് നടത്തി മുങ്ങിയ ഇന്ത്യന് രത്നവ്യാപാരി മെഹുല് ചോക്സിയുടെ മറ്റൊരു മുങ്ങല് നാടകം പൊളിഞ്ഞു. ആന്റിഗ്വയില് നിന്ന് ഞായറാഴ്ച മുതല് ചോക്സിയെ കാണാതായതായി പൊലീസും അദ്ദേഹത്തിന്റെ അഭിഭാഷകനായ വിജയ് അഗര്വാളും പറഞ്ഞിരുന്നു. ഇയാള് ഇപ്പോള് കരീബിയന് ദ്വീപായ ഡൊമിനക്കയില് നിന്ന് പിടിയിലായി.
ബോട്ടില് ക്യൂബയിലേക്ക് കടക്കാന് ശ്രമിക്കുന്നതിനിടെ പ്രാദേശിക പൊലീസാണ് ഇയാളെ അറസ്റ്റുചെയ്തത്. ചോക്സിക്കെതിരേ ഇന്റര്പോള് 'യെല്ലോ കോര്ണര്' നോട്ടീസ് പുറപ്പെടുവിച്ചിരുന്നു. ഇതിനെ തുടര്ന്നാണ് പൊലീസ് ഇയാളെ പിടികൂടിയത്.
നിലവില് ഡൊമിനക്കയിലെ ക്രിമിനല് ഇന്വെസ്റ്റിഗേഷന് ഡിപ്പാര്ട്ട്മെന്റിന്റെ(സി.ഐ.ഡി) കസ്റ്റഡിയിലുള്ള അദ്ദേഹത്തെ ആന്റിഗ്വ പോലീസിനു കൈമാറാനുള്ള ശ്രമങ്ങള് നടക്കുന്നുണ്ടെന്ന് പ്രാദേശിക മാധ്യമങ്ങള് റിപ്പോര്ട്ട് ചെയ്തു. ചോക്സി രാജ്യംവിട്ടതായി വിശ്വസനീയമായ വിവരങ്ങളൊന്നുമില്ലെന്ന് ആന്റിഗ്വ പ്രധാനമന്ത്രി ഗാസ്റ്റണ് ബ്രൗണ് കഴിഞ്ഞ ദിവസം പറഞ്ഞിരുന്നു. 2017-ല് ബാങ്ക് തട്ടിപ്പു പുറത്തുവന്നതിനുപിന്നാലെ കരീബിയന് ദ്വീപുരാജ്യമായ ആന്റിഗ്വയിലേക്ക് കടന്ന ചോക്സി, അവിടത്തെ പൗരത്വം സ്വന്തമാക്കിയിരുന്നു.
അതേസമയം ഇന്ത്യന് സര്ക്കാന് ആന്റിഗ്വക്ക് മേല് നടത്തിയ സമ്മര്ദ്ദ തന്ത്രങ്ങള് ഫലം കാണന്നുവെന്നാണ് വിലിയിരുത്തപ്പെടുന്നത്. പിടിലായ ചോക്സിയെ തങ്ങളുടെ രാജ്യത്തേക്ക് കൊണ്ടു വരേണ്ടെന്നും ഡൊമിനിക്കയില് നിന്നു തന്നെ ഇന്ത്യയിലേക്ക് കൊണ്ടു പോകാന് ഇന്ത്യന് സര്ക്കാര് നടപടി സ്വീകരിക്കണമെന്നാണ് ആന്റിഗ്വ പ്രധാനമന്ത്രി ഗാസ്റ്റണ് ബ്രൗണ് ആവശ്യപ്പെട്ടു. അതേസമയം പൗരന് എന്ന നിലയില് അദ്ദേഹത്തിന് വേണ്ട സംരക്ഷണം നല്കാന് തയ്യാറായിരുന്നു. എന്നാല് രാജ്യത്ത് നിന്നും കടന്നുകളഞ്ഞ ചോക്സി വലിയ തെറ്റാണ് ചെയ്തതെന്നും പ്രധാനമന്ത്രി അഭിപ്രായപ്പെട്ടു.
2017-ല് ബാങ്ക് തട്ടിപ്പു പുറത്തുവന്നതിനു പിന്നാലെ കരീബിയന് ദ്വീപുരാജ്യമായ ആന്റിഗ്വ ആന്ഡ് ബര്ബുഡയിലേക്ക് കടന്ന ചോക്സി, അവിടുത്തെ പൗരത്വം സ്വന്തമാക്കിയിരുന്നു. ചോക്സിയെ കുറിച്ച് അന്വേഷണം ആരംഭിച്ചതായി പൊലീസ് കമ്മിഷണര് ആറ്റ്ലി റോഡ്നി മാധ്യമങ്ങളെ അറിയിച്ചു. ഇതിന് പിന്നാലെയാണ് ചോക്സിലെ കാണാതാകുന്നത്. ചോക്സിയുടെ പൗരത്വം റദ്ദാക്കണമെന്ന് ആന്റിഗ്വയ്ക്കു മേല് ഇന്ത്യന് സര്ക്കാര് സമ്മര്ദം ചെലുത്തിയിരുന്നു. അതേസമയം ചോക്സിക്ക് മറ്റൊരു കരീബിയന് രാജ്യത്തിന്റെ പൗരത്വമുണ്ടെന്നും അദ്ദേഹത്തിന്റെ സഹായികള് വെളിപ്പെടുത്തിയിട്ടുണ്ട്.
അനന്തരവന് നീരവ് മോദിക്കൊപ്പം പഞ്ചാബ് നാഷനല് ബാങ്കില് നിന്നു 13,500 കോടി രൂപയുടെ വായ്പത്തട്ടിപ്പ് നടത്തി എന്നതാണ് ചോക്സിക്ക് എതിരായ കേസ്. 2018 മുതല് ഇയാല് ആന്റിഗ്വയിലാണ് താമസിക്കുന്നത്. കുറ്റവാളികളെ ഇന്ത്യയുമായി കൈമാറ്റുന്നത് സംബന്ധിച്ച് ആന്റിഗ്വയുമായി കരാര് ഇല്ലാത്തതാണ് ഇയാള്ക്ക് തുണയായത്. അതേസമയം കേസില് നേരത്തേ അറസ്റ്റിലായ നീരവ് മോദി ഇപ്പോള് ലണ്ടനിലെ ജയിലിലാണ്.
https://www.facebook.com/Malayalivartha
