ബിജെപിയ്ക്ക് ബാര്ക്കോഴക്കേസില് എന്താണ് താല്പര്യം, സംസ്ഥാനസര്ക്കാരിന്റെ മദ്യനയം ചോദ്യംചെയ്തു സുപ്രീം കോടതിയില് ഹാജരായത് അറ്റോര്ണി ജനറല്
ഇതിലൊരു അപകടം മണക്കുന്നു അല്ലെങ്കില് ഒത്തുകളി, സംസ്ഥാനസര്ക്കാരിന്റെ മദ്യനയം ചോദ്യംചെയ്തു സുപ്രീം കോടതിയില് ഹര്ജി നല്കിയ ബാര് ഉടമകള്ക്കുവേണ്ടി വാദിക്കാനെത്തിയെ അറ്റോര്ണി ജനറല് മുകുള് റോത്തഗിയെ കണ്ട് കേരളം അമ്പരുന്നു. കേന്ദ്രസര്ക്കാര് അഭിഭാഷകന്റെ ഈ നടപടി രാഷ്ട്രീയനിയമവൃത്തങ്ങളില് പുതിയ വിവാദത്തിന് തുടക്കമിട്ടു.
കഴിഞ്ഞദിവസം വ്യാപം കേസില് മധ്യപ്രദേശ് സര്ക്കാരിനുവേണ്ടി ഹാജരായ മുകുള് റോത്തഗി കേന്ദ്രസര്ക്കാരിന്റെ നിലപാടും വ്യക്തമാക്കിയിരുന്നു.
കേരളസര്ക്കാര് മദ്യനയം നടപ്പാക്കിയത് ഏകപക്ഷീയമാണെന്നും വിവേചനപരമാണെന്നും മുകുള് റോത്തഗി വാദിച്ചു. ഇതു സംസ്ഥാനത്ത് സാമ്പത്തികത്തകര്ച്ചയ്ക്ക് ഇടയാക്കുമെന്നും അദ്ദേഹം ചൂണ്ടിക്കാട്ടി. സംസ്ഥാനസര്ക്കാരിന്റെ മദ്യനയം അംഗീകരിച്ച ഹൈക്കോടതി വിധി ചോദ്യംചെയ്തുള്ള ഹര്ജി ഇടക്കാല ഉത്തരവിനായാണു മാറ്റിയത്.
അറ്റോര്ണി ജനറലിന്റെ രംഗപ്രവേശം അമ്പരപ്പിക്കുന്ന നടപടിയായെന്നാണ് സംസ്ഥാന സര്ക്കാരിന്റെ വിലയിരുത്തല്. സംസ്ഥാനസര്ക്കാരും കേന്ദ്രം ഭരിക്കുന്ന ബി.ജെ.പിയും തമ്മില് ബാര് വിഷയത്തില് ഒത്തുകളിക്കുന്നതിനു തെളിവാണിതെന്നു പ്രതിപക്ഷനേതാവ് വി.എസ്. അച്യുതാനന്ദന് ആരോപിച്ചു. സ്വകാര്യ വക്കാലത്തെടുത്ത അറ്റോര്ണി ജനറലിന്റെ നടപടി ഞെട്ടിക്കുന്നതാണെന്നും ഭരണഘടനാപദവി വഹിക്കുന്നയാള് ഇത്തരത്തില് ഹാജരായതു കേട്ടുകേള്വിയില്ലെന്നും കോണ്ഗ്രസ് വക്താവ് ആനന്ദ് ശര്മ പറഞ്ഞു.
കേന്ദ്രസര്ക്കാരിന്റെ അനുവാദം വാങ്ങിയാണു ബാര് ഉടമകളുടെ വക്കാലത്തെടുത്തതെന്ന് അറ്റോര്ണി ജനറല് വിശദീകരിച്ചു. അറ്റോര്ണി ജനറലിന്റെ ആവശ്യപ്രകാരം ഹര്ജി വിശദമായ വാദം കേള്ക്കാന് 28ലേക്കു മാറ്റി. സുപ്രീം കോടതിയുടെ പുതിയ ബെഞ്ചാണു കേസ് പരിഗണിക്കുന്നത്. മൂന്നംഗ ബെഞ്ചിനുപകരം ജസ്റ്റിസ് അനില് ആര്. ദവെയും ജസ്റ്റിസ് ആര്.കെ. അഗര്വാളുമടങ്ങുന്ന ബെഞ്ചാണു കേസ് കേള്ക്കുന്നത്. കേന്ദ്രസര്ക്കാര് നിയമിച്ച അഭിഭാഷകന് സംസ്ഥാനസര്ക്കാരിനെതിരായി സ്വകാര്യവക്കാലത്തെടുത്തതു നിയമപ്രശ്നമായേക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
