വടക്കേ ഇന്ത്യയില് കനത്ത മഴ, കരകവിഞ്ഞൊഴുകി നദികള്, വന് നഗരങ്ങള് വെള്ളപ്പൊക്ക ഭീഷണിയില്
വടക്കേ ഇന്ത്യയില് കനത്ത മഴ, മഴയെ തുടര്ന്ന വന് നദികള് കര കവിഞ്ഞൊഴുകുന്നു. പ്രധാനപ്പെട്ട നഗരങ്ങളും വെള്ളപ്പൊക്ക ഭീഷണിയിലാണ്. വിവിധ സംസ്ഥാനങ്ങളില് പെയ്യുന്ന കനത്ത മഴയില് തനത്ത നാശനഷ്ടങ്ങള് ഉണ്ടായി. ഡല്ഹിയില് മഴയെത്തുടര്ന്നുണ്ടായ വെള്ളപ്പൊക്കം നഗരത്തെ നന്നേ വലച്ചു. ഇതേ തുടര്ന്ന് ഇവിടെ രൂക്ഷമായ ഗതാഗതക്കുരുക്കുണ്ടായി. ആകെ 93.8 മില്ലീമീറ്റര് മഴയാണ് ഇന്നു രാവിലെ ഒന്പതരവരെ ഡല്ഹിയില് പെയ്തത്. ഇന്നും ശക്തമായ മഴയുണ്ടാകുമെന്ന് കാലാവസ്ഥാ നിരീക്ഷണകേന്ദ്രം അറിയിച്ചു.
ഉത്തരാഖണ്ഡില് കഴിഞ്ഞ രണ്ടുദിവസമായി കനത്ത മഴയാണ്. മാഡ്കോട്ടിലും പൗരിയിലും ധര്ചുലയിലും കാപ്പ്കോട്ടിലുമുണ്ടായ മണ്ണിടിച്ചിലിലും നാലു പേര് കൊല്ലപ്പെട്ടു. ഗംഗാനദി ഹരിദ്വാറില് അപകടകരമാം വിധം കവിഞ്ഞൊഴുകുകയാണെന്നും ഉത്തര്പ്രദേശില് ജാഗ്രതാ നിര്ദേശം നല്കിയിട്ടുണ്ടെന്നും അധികൃതര് അറിയിച്ചു.
റാംഗംഗ, നന്ദൂര്, കൈലാഷ്, കാളി ഷര്ദ, കോസി, ഗൗല എന്നീ നദികളിലും ജലനിരപ്പ് ഉയരുന്നുണ്ട്. ഉത്തര്കാശി ഗംഗോത്രി മാര്ഗിനു സമീപം മണ്ണിടിച്ചിലുണ്ടായതിനാല് ഛര്ധാം യാത്ര തീര്ഥാടകരുടെ യാത്ര തടസ്സപ്പെട്ടു.
അതേസമയം, കനത്ത മഴയെത്തുടര്ന്നുണ്ടായ മണ്ണിടിച്ചില് കാരണം അടച്ച ജമ്മു ശ്രീനഗര് ദേശീയപാത തുറന്നുകൊടുത്തു. ദിവസങ്ങളായി വഴിയില്കിടന്ന വാഹനങ്ങള് ഇതോടെ നീങ്ങിത്തുടങ്ങി. ബോര്ഡര് റോഡ്സ് ഓര്ഗനൈസേഷന് (ബിആര്ഒ) അധികൃതരാണ് ദേശീയപാതയില് അറ്റകുറ്റപ്പണികള് നടത്തി പാത തുറന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
