പ്രതിഷേധങ്ങള്‍ക്കിടെ കേന്ദ്രസര്‍ക്കാര്‍ ചരക്ക് സേവന നികുതി ബില്‍ (ജി.എസ്.ടി) രാജ്യസഭയില്‍ അവതരിപ്പിച്ചു. കേണ്‍ഗ്രസിന്റെ ശക്തമായ പ്രതിഷേധങ്ങള്‍ക്കിടെയാണ് ബില്‍ അവതരിപ്പിച്ചത്. ബില്ലിനെ കോണ്‍ഗ്രസ് എതിര്‍ത്തു. ബില്‍ അവതരിപ്പിച്ച ശേഷം രാജ്യസഭ പിരിഞ്ഞു. രാജ്യ വികസനത്തെ തടസപ്പെടുത്തുന്നതിനാണ് കോണ്‍ഗ്രസ് ബില്ലിനെ എതിര്‍ക്കുന്നതെന്ന് കേന്ദ്ര ധനമന്ത്രി അരുണ്‍ ജെയ്റ്റ്‌ലി കുറ്റപ്പെടുത്തി. സംസ്ഥാനങ്ങളുടെ അഭിപ്രായം തേടിയ ശേഷം അഭിപ്രായ സമന്വയത്തിലൂടെയാണ് ജി.എസ്.ടിയിലെ നിര്‍ദ്ദേശങ്ങള്‍ അവതരിപ്പിച്ചതെന്നും ജെയ്റ്റ്‌ലി പറഞ്ഞു.
ജി.എസ്.ടി രാജ്യത്തിന്റെ സാമ്പത്തിക വളര്‍ച്ച രണ്ട് ശതമാനം വര്‍ധിപ്പിക്കുമെന്ന് ബില്ലിനെ പിന്തുണയ്ക്കുന്ന എം.പിമാര്‍ പറഞ്ഞു. കോണ്‍ഗ്രസ് സാമ്പത്തിക വളര്‍ച്ച തടസപ്പെടുത്താന്‍ ശ്രമിക്കുകയാണെന്ന് ധനവകുപ്പ് സഹമന്ത്രി ജയന്ത് സിന്‍ഹ പറഞ്ഞു. ജി.എസ്.ടി പാസാക്കാനെങ്കിലും ഒരു ദിവസത്തേക്ക് പാര്‍ലമെന്റ് തടസപ്പെടുത്തരുതെന്നു ജയന്ത് സിന്‍ഹ ആവശ്യപ്പെട്ടു. ജി.എസ്.ടി കൊണ്ടുവന്നത് കോണ്‍ഗ്രസാണെന്നും സിന്‍ഹ പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha