അതിര്‍ത്തിയില്‍ പാക്കിസ്ഥാന്‍ വെടിവയ്പ് തുടരുന്നു. ഇന്നലെ പുലര്‍ച്ചെ മുതല്‍ തുടങ്ങിയ വെടിവയ്പ്പില്‍ ഇതുവരെ ആറു ഗ്രാമീണര്‍ക്കാണ് ജീവന്‍ നഷ്ടപ്പെട്ടത്. ഒരു സ്ത്രീയും കുട്ടിയും മരിച്ചവരില്‍ ഉള്‍പ്പെടുന്നു. ജമ്മുവിലെ പൂഞ്ച് ജില്ലയുടെ വിവിധ പ്രദേശങ്ങളിലാണ് വെടിവയ്പ് നടക്കുന്നത്. ഇന്ത്യന്‍ സൈന്യവും ശക്തമായി തിരിച്ചടിക്കുന്നുണ്ട്.
വെടിവയ്പ് ശക്തമായി തുടരുന്നത് ജനങ്ങളുടെ ജീവന് ഭീഷണിയാകുമെന്ന് മനസ്സിലാക്കിയതിനാല്‍ അതിര്‍ത്തിയിലെ മുപ്പത് ഗ്രാമങ്ങളില്‍ താമസിക്കുന്നവരെ ഒഴിപ്പിക്കുന്നതിനുള്ള ശ്രമത്തിലാണ് ഇന്ത്യന്‍ സൈന്യം. അതേസമയം, അതിര്‍ത്തി ഗ്രാമങ്ങളെ ലക്ഷ്യമിട്ടുകൊണ്ടുള്ള പാക്കിസ്ഥാന്റെ വെടിവയ്പ് നിര്‍ത്തണമെന്ന് ജമ്മു കശ്മീര്‍ മുഖ്യമന്ത്രി മുഫ്തി മുഹമ്മദ് സെയ്ദ് ആവശ്യപ്പെട്ടു. ജനങ്ങളില്‍ ഭീതിയുണര്‍ത്തുന്ന തരത്തിലുള്ള പ്രകോപനത്തിന് അനുവദിക്കില്ല. 2003ലെ വെടിനിര്‍ത്തല്‍ കരാര്‍ അംഗീകരിച്ച് പാക്കിസ്ഥാന്‍ വെടിവയ്പ് അവസാനിപ്പിക്കണമെന്നും സെയ്ദ് പറഞ്ഞു.ഈ മാസത്തില്‍ മാത്രം ഏകദേശം 32 വെടിനിര്‍ത്തല്‍ ലംഘനങ്ങളാണുണ്ടായിട്ടുള്ളത്. തുടര്‍ച്ചയായ എട്ടാം ദിവസമാണ് പാക്കിസ്ഥാന്‍ സേന ഇന്ത്യന്‍ പോസ്റ്റുകള്‍ക്കു നേരെ ഷെല്ലാക്രമണം നടത്തുന്നത്. ജൂലൈ 26 വരെ 192 തവണ പാക്കിസ്ഥാന്‍ വെടിവയ്പ് നടത്തിയെന്നാണ്.ഇന്ന് രാവിലെ ബാലാകോട്ട് സെക്ടറില്‍ നടത്തിയ വെടിവയ്പ്പില്‍ നാല്‍പ്പതുകാരിയായ ഒരു സ്ത്രീ കൊല്ലപ്പെട്ടു. ഇന്നലെയുണ്ടായ വെടിവയ്പ്പില്‍ അഞ്ചു പേരും കൊല്ലപ്പെട്ടിട്ടുണ്ട്. 12 വയസ്സുള്ള ഒരു കുട്ടിയും മരിച്ചവരിലുള്‍പ്പെടുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha