ഫെയ്‌സ് ബുക്കില്‍ സുന്ദരിയായ യുവതിയായി പ്രത്യക്ഷപ്പെട്ടയാളുമായുള്ള ചാറ്റിങ്ങിനിടെ കരസേനാ വിന്യാസ രഹസ്യങ്ങള്‍ വെളിപ്പെടുത്തിയ സേനാ ഉദ്യോഗസ്ഥര്‍ക്കെതിരെ നടപടിയെടുക്കുന്നു. മൂന്നു കരസേനാ ഉദ്യോഗസ്ഥരുടെ ചാറ്റ് വിവരങ്ങളാണ് ഫെയ്‌സ് ബുക്കില്‍ നിന്ന് അധികൃതര്‍ക്കു ലഭിച്ചത്.

ലൈംഗിക ചുവയുള്ള ചാറ്റിനു ശേഷമാണ് ഉദ്യോഗസ്ഥര്‍ രഹസ്യങ്ങള്‍ പങ്കുവച്ചതെന്നും കണ്ടെത്തി. സൈനിക യൂണിറ്റുകള്‍ എവിടെയാണു വിന്യസിച്ചിരിക്കുന്നതെന്നു \'യുവതി\' ചാറ്റിനിടെ അന്വേഷിച്ചപ്പോഴാണ് ഉദ്യോഗസ്ഥര്‍ രഹസ്യവിവരം വെളിപ്പെടുത്തിയത്.

സംഭവത്തിന്റെ പശ്ചാത്തലത്തില്‍ സൈബര്‍ സുരക്ഷാ നിര്‍ദേശങ്ങള്‍ കര്‍ശനമായി പാലിക്കാനും സാമൂഹിക മാധ്യമങ്ങള്‍ നിരീക്ഷിക്കാനും മിലിട്ടറി ഇന്റലിജന്‍സ് ഡയറക്ടറേറ്റ് ജനറല്‍ കരസേനാ യൂണിറ്റുകളോട് ആവശ്യപ്പെട്ടു. സൈനിക രഹസ്യ വിവരങ്ങള്‍ സാമൂഹിക മാധ്യമങ്ങളില്‍ പോസ്റ്റു ചെയ്തതിനു നേരത്തെ ഏറെ സൈനിക ഉദ്യോഗസ്ഥര്‍ നടപടി നേരിട്ടിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha