പാളം മുറിച്ചു കടന്നവര്‍ക്കുമേല്‍ ട്രെയിന് പാഞ്ഞു കയറി 37 മരണം, അപകടം നടന്നത് ബിഹാറിലെ സഹര്‍സയ്‌ക്കു സമീപമുള്ള ധമാര റെയില്‍വേ സ്‌റ്റേഷനില്‍
ബീഹാറില്‍ പാളം മുറിച്ചു കടന്നവര്‍ക്കുമേല്‍ ട്രെയിന് പാഞ്ഞു കയറി 37 പേര്‍ മരിച്ചു. നിരവധി പേര്‍ക്ക്‌ പരിക്കേറ്റിട്ടുണ്ട്‌. ഇവരില്‍ പലരുടേയും നില ഗുരുതരമാണ്‌. അതിനാല്‍ മരണസംഖ്യ ഇനിയും വര്‍ധിക്കാനാണ്‌ സാധ്യത. ബിഹാറിലെ സഹര്‍സയ്‌ക്കു സമീപമുള്ള ധമാര റെയില്‍വേ സ്‌റ്റേഷനിലാണ്‌ അപകടം നടന്നത്.
സഹര്‍സയില്‍നിന്ന്‌ പാറ്റ്‌നയിലേക്കു പോവുകയായിരുന്നു രാജ്യറാണി എക്‌സ്‌പ്രസ്സാണ്‌ ആളുകള്‍ക്കുമേല്‍ പാഞ്ഞുകയറിയത്‌. രാജ്യറാണി എക്‌സ്‌പ്രസിന്‌ സ്‌റ്റോപ്പുണ്ടായിരുന്ന സ്‌റ്റേഷനായിരുന്നില്ല ദമാര. അതുകൊണ്ടുതന്നെ അതിവേഗത്തിലായിരുന്നു ട്രെയിന്.
അപകടത്തെ തുടര്ന്ന് പ്രദേശത്ത്‌ സംഘര്‍ഷാവസ്ഥ ഉടലെടുത്തു. നാട്ടുകാര്‍ ട്രെയിന് തീവയ്‌ക്കുകയും റെയില്‍വേ ജീവനക്കാരെ ആക്രമിച്ചതായും റിപ്പോര്‍ട്ടുണ്ട്‌. പരിക്കേറ്റവരെ ആശുപത്രിയിലേക്കു കൊണ്ടുപോകാന്‍ എത്തിയ ആംബുലന്‍സും തടഞ്ഞതായി റിപ്പോര്‍ട്ടുകള്‍ പറയുന്നു.
https://www.facebook.com/Malayalivartha
