ദളിത് കുട്ടികളെ ചുട്ടുകൊന്ന സംഭവത്തില് വീടിനകത്തു നിന്നാണ് തീയിട്ടതെന്ന് ഫോറന്സിക് റിപ്പോര്ട്ട്
ഹരിയാനയില് ദളിത് കുട്ടികള് മരിച്ച സംഭവത്തില് വീടിനകത്തുനിന്നാണ് തീയ്യിട്ടതെന്ന് ഫോറന്സിക് റിപ്പോര്ട്ട്. പുറത്തുനിന്ന് ആരും അതിക്രമിച്ചു കയറിയതിനു തെളിവില്ലെന്നും ഫോറന്സിക് റിപ്പോര്ട്ടില് പറയുന്നു.
ജനലിലൂടെ പെട്രോളൊഴിച്ച് ഉയര്ന്ന ജാതിക്കാര് തീയ്യിട്ടതാണെന്നാണ് കുട്ടികളുടെ പിതാവ് ഉള്പ്പെടെയുള്ള ബന്ധുക്കള് ആരോപിച്ചത്. എന്നാല് വീടിന് അകത്തുനിന്നാണ് തീപടര്ന്നതെന്നാണ് ഫോറന്സിക് ഫലത്തില് പറയുന്നത്.
വീടിന്റെ ജനല് അടച്ചനിലയിലായിരുന്നു. കുട്ടികളുടെ കിടയ്ക്കക്ക് അരികില് പാതികരിഞ്ഞ മണ്ണെണ്ണക്കുപ്പികള് കണ്ടെത്തിയെന്നും റിപ്പോര്ട്ടില് പറയുന്നു. ഇതിനു പുറമേ മുറിയുടെ ജനലിനു അരികിലുള്ള സ്ലാബില് നിന്നും കരിഞ്ഞ തീപ്പെട്ടിക്കൊള്ളി കണ്ടെത്തിയിട്ടുണ്ടെന്നും ഫോറന്സിക് സംഘം പറയുന്നു.
റിപ്പോര്ട്ട് ഇതുമായി ബന്ധപ്പെട്ട കേസ് അന്വേഷിക്കുന്ന സി.ബി.ഐ സംഘത്തിനു കൈമാറും. ഹരിയാനയിലെ കര്ണാലിലെ ലാബിലാണ് ഫോറന്സിക് പരിശോധന നടന്നത്.
ഫോറന്സിക് സയന്സ് ലബോറട്ടറിയുടെ ഡയറക്ടര്,എഫ്.എസ്.എല്ലിന്റെ ഫിസിക്സ് ആന്റ് കെമിസ്ട്രി ഡിവിഷന് അസിസ്റ്റന്റ് ഡയറക്ടറേറ്റ്സ് എന്നിവരുള്പ്പെട്ട സംഘത്തിലെ എല്ലാവരും ഈ തീപടര്ന്നത് മുറിയ്ക്കുള്ളില് നിന്നാണെന്ന അഭിപ്രായമാണ് പറഞ്ഞത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
