സോഫ്റ്റ് വെയര്‍ എന്‍ജിനീയര്‍ എസ്‌തേര്‍ അനുഹ്യയെ ബലാല്‍സംഗം ചെയ്ത് കൊന്ന കേസില്‍ പ്രതി ചന്ദ്രഭാന്‍ സനാപിന് വധശിക്ഷ വിധിച്ചു. മുംബൈ പ്രത്യേക കോടതിയുടേതാണ് വിധി.
റെയില്‍വേ സ്‌റ്റേഷനില്‍ നിന്നും ലിഫ്റ്റ് നല്‍കാനെന്ന വ്യാജേന ബൈക്കില്‍ കൊണ്ടുപോയ ശേഷം ബലാല്‍സംഗം ചെയ്യുകയും കൊല നടത്തുകയും ചെയ്ത കേസില്‍ ചന്ദ്രഭാന്‍ സനാപ് കുറ്റക്കാരനാണെന്ന് കോടതി ചൊവ്വാഴ്ച വിധിച്ചിരുന്നു.
കഴിഞ്ഞവര്‍ഷം ജനുവരി അഞ്ചിനാണ് കേസിനാസ്പദമായ സംഭവമുണ്ടായത്. കുര്‍ള ലോകമാന്യ തിലക് റയില്‍വേ സ്‌റ്റേഷനിലിറങ്ങിയ എസ്‌തേര്‍ അനുഹ്യയുടെ മൃതദേഹം പത്ത് ദിവസത്തിന് ശേഷമാണ് കത്തിക്കരിഞ്ഞനിലയില്‍ കണ്ടെത്തിയത്.
സി.സി.ടി.വി ദൃശ്യങ്ങളുടെ അടിസ്ഥാനത്തില്‍ അറസ്റ്റ് ചെയ്യപ്പെട്ട പ്രതി പിന്നീട് കുറ്റം സമ്മതിച്ചിരുന്നു. ഡി.എന്‍.എ പരിശോധന, എസ്‌തേറിന്റെ മോതിരം, ബാഗ്, തിരിച്ചറിയല്‍ കാര്‍ഡ്, മൊബൈല്‍ ഫോണ്‍ എന്നിവയായിരുന്നു പ്രധാന തെളിവുകള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha