സ്കൂളില് നിര്ബന്ധിച്ച് ബീഫ് കഴിപ്പിക്കാന് ശ്രമിച്ചതുമൂലം പെണ്കുട്ടി ആത്മഹത്യ ചെയ്തത് വാര്ത്തയാകാതിരുന്നത് സോഷ്യല് മീഡിയ ചോദ്യം ചെയ്യുന്നു
സ്കൂളില് ബീഫ് കഴിക്കാന് വിസമ്മതിച്ചതിന്റെ പേരില് മാനസികസമ്മര്ദ്ദത്തിലായി പെണ്കുട്ടി ആത്മഹത്യ ചെയ്ത സംഭവം എന്തുകൊണ്ട് വാര്ത്തയായില്ലാ എന്നതാണ് ഇപ്പോള് സോഷ്യല് മീഡിയകളില് ഉയരുന്ന ചോദ്യം.
ഉത്തര്പ്രദേശിലെ ദാദ്രിയില് ബീഫ് കഴിച്ചെന്നാരോപിച്ച് അഖ്ലാഖിനെ കൊലപ്പെടുത്തിയത് ഇപ്പോഴും വാര്ത്തകളില് നിന്ന് മറഞ്ഞിട്ടില്ല.എന്നാല് ഒരു വര്ഷം മുമ്പ് ഡാര്ജിലിംഗില് ഒരു എട്ടാം ക്ലാസ് വിദ്യാര്ത്ഥിനി മരിച്ച സംഭവം ഇവിടുത്തെ മാധ്യമങ്ങള് പാടേ അവഗണിക്കുകയായിരുന്നു. ഇപ്പോള് സോഷ്യല് മീഡിയകളിലൊക്കെ അന്നത്തെ വാര്ത്തകള് ചൂണ്ടിക്കാട്ടി ചോദ്യമുയരുകയാണ്.പല ഉത്തരേന്ത്യന് മാധ്യമങ്ങളും പഴയ വാര്ത്ത വീണ്ടും ഉയര്ത്തി കൊണ്ടു വന്നിട്ടുണ്ട്.
2014 ഓഗസ്റ്റില് ഡാര്ജിലിംഗിലെ ദിസ്പൂര് പോലീസ് സ്റ്റേഷനിലാണ് മാതാപിതാക്കളുടെ പരാതി രജിസ്ട്രര് ചെയ്തിട്ടുള്ളത്്. എഫ്ഐആറിലാണ് ബീഫ് കഴിക്കാന് വിസമ്മതിച്ചതിന്റെ പേരില് അനുഭവിക്കേണ്ടി വന്ന മാനസികപീഢ മൂലം എട്ടാം ക്ലാസ് വിദ്യാര്ത്ഥിനിയായ ദേബാഹുതി താലൂക്ദാര് എന്ന പെണ്കുട്ടി ആത്മഹത്യ ചെയ്തതായി പറയുന്നത്.
ഡാര്ജലിംഗിലെ മൗണ്ട് ഹെര്മന് സ്ക്കൂളിലെ ബോര്ഡിംഗ് വിദ്യാര്ത്ഥിനിയായിരുന്നു ദേബാഹുതി താലൂക്ദാര്. അവിടുത്തെ പ്രിന്സിപ്പലായിരുന്ന ടെറന്സ് വാര്ടന് വിദ്യാര്ത്ഥിനിയെ ബീഫ് കഴിക്കാന് നിര്ബന്ധിച്ചു. തുടര്ന്ന് ബീഫ് കഴിക്കാന് വിസമ്മതിച്ച പെണ്കുട്ടിയോട് അത് ഹോസ്റ്റലില് നിര്ബന്ധമാണെന്നായിരുന്നു സ്ഥാപനമേധാവിയുടെ ഉത്തരവ്.
ബീഫ് കഴിക്കുന്നത് നിര്ബന്ധമാക്കാനുള്ള നീക്കം എതിര്ത്തത് മൂലം തങ്ങളുടെ മകളെ സ്ക്കൂള് അധികൃതര് മാനസികമായി പീഡിപ്പിച്ചുവെന്ന് ദേബഹന്തിയുടെ മാതാപിതാക്കള് പറയുന്നു. അവള്ക്ക് നേരെ അവര് കള്ളപ്രചരണം നടത്തി. ഒരു അധ്യാപികയുടെ മൊബൈല് മോഷ്ടിച്ചുവെന്നായിരുന്നു ഒരു ആരോപണം. ഇതേ തുടര്ന്ന് അവളുടെ സാധനങ്ങള് ഹോസ്റ്റലില് നിന്ന് പുറത്തേക്ക് വലിച്ചെറിഞ്ഞു. വീട്ടിലെത്തിയ അവള് കഴിഞ്ഞ വര്ഷം ഓഗസ്റ്റ് 21-ന് ആത്മഹത്യ ചെയ്യുകയായിരുന്നു എന്നാണ് ഉത്തരേന്ത്യന് മാധ്യമങ്ങള് റിപ്പോര്ട്ട് ചെയ്യുന്നത്.
അന്ന് സംഭവം ചെറിയ വാര്ത്തയായി മാത്രം മാറുകയായിരുന്നു. വാര്ത്താ ചര്ച്ചകളില് ഒന്നും ദേബാഹുതി എത്തിയില്ല. ദേശീയ മാധ്യമങ്ങള് വാര്ത്തയെ കണ്ടില്ലെന്ന് നടിച്ചു. ദാദ്രി സംഭവത്തെ ഹിന്ദുത്വത്തിനെതിരെ ആയുധമാക്കുന്നവര് ദേബാഹുതിയെ കണ്ടില്ലെന്ന് നടിക്കുകയാണെന്നാണ് സോഷ്യല് മീഡിയകളിലും മറ്റും ഉയരുന്ന ആരോപണം.
ഇതുകൂടാതെ ബെംഗളൂരില് പശുകവര്ച്ച തടഞ്ഞ പൂജാരി കൊല്ലപ്പെട്ടതും വാര്ത്തയായില്ല. ഇത്തരം നിരവധി സംഭവങ്ങളാണ് സോഷ്യല് മീഡിയയില് ചോദ്യങ്ങളായി തുടരുന്നത്്. സമകാലിക രാഷ്ട്രീയ സംഭവങ്ങളില് ഏറെ വിവാദങ്ങളുയര്ത്തുന്ന ഇത്തരം വാര്ത്തകള് ഭരണകര്ത്താക്കള് അവഗണിച്ചാലും മാധ്യമചര്ച്ചയില് വരുമ്പോള് അധികാരികള്ക്കു പ്രതികരിയ്ക്കാതിരിക്കാനാവില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
