എന്നും പഠനം തന്നെ എന്നാല്‍പ്പിന്നെ ഒന്നു കറങ്ങാം ഇത്തിരി കാര്യമായിത്തന്നെ എന്നാണ് 14കാരിയും കൂട്ടുകാരിയും പോലീസിന് കൊടുത്ത മൊഴി. അച്ഛന്റെ അലമാരയില്‍ നിന്നും 38 ലക്ഷം രൂപ മോഷ്ടിച്ച് പതിനാലുകാരിയായ മകള്‍ സുഹൃത്തുക്കള്‍ക്കൊപ്പം കറങ്ങാന്‍ പോയി. പോലീസ് പിടികൂടുമ്പോള്‍ ഒരു ലക്ഷം രൂപയോളം പെണ്‍കുട്ടി ഷോപ്പിംഗിന് മാത്രമായി ഉപയോഗിച്ചിരുന്നു. ബില്‍ഡറായ അച്ഛന് ഒരു വസ്തു ഇടപാടില്‍ കിട്ടിയ 38ലക്ഷം രൂപ മോഷ്ടിച്ചായിരുന്നു മകളുടെ സാഹസം.
മാതാപിതാക്കള്‍ അത്താഴ വിരുന്നിന് പോയ സമയത്ത് പെണ്‍കുട്ടി പണം മോഷ്ടിച്ച് സുഹൃത്തുക്കളില്‍ ഒരാളെ ഏല്‍പ്പിക്കുകയായിരുന്നു. പണം മറ്റാരൊ മോഷ്ടിച്ചിരിക്കുമെന്ന് പോലീസും വീട്ടുകാരും വിശ്വസിച്ചു. പക്ഷേ പണം നഷ്ടമായതിന്റെ പിറ്റേ ദിവസം പെണ്‍കുട്ടിയേയും മൂന്ന് സുഹൃത്തുക്കളെയും കാണാതായി. അച്ഛന്റെ കൈയ്യില്‍ നിന്നും മോഷ്ടിച്ച പണവുമായി പെണ്‍കുട്ടി നേരെ ഡെറാഡൂണിലേക്ക് പോവുകയായിരുന്നു. 11000 ത്തോളം രുപ ടാക്‌സിക്ക് നല്‍കിയായിരുന്നു യാത്ര.
പോലിസിന്റെ സമയോചിതമായ ഇടപെടലില്‍ ടാക്‌സി ഡ്രൈവറെ കണ്ടെത്തുകയും ആഡംബര ഹോട്ടലില്‍ റൂമെടുത്ത വിവരം അറിയുകയുമായിരുന്നു. പോലീസ് നല്‍കിയ നിര്‍ദ്ദേശ പ്രകാരം ഷോപ്പിങ് കഴിഞ്ഞ് തിരികെയെത്തിയ പെണ്‍കുട്ടികളെ യാതൊരു സംശയവും തോന്നാത്ത വിധം മുറിക്കുള്ളില്‍ പൂട്ടിയിടുകയായിരുന്നു. പുലര്‍ച്ചെ പോലീസെത്തി വാതില്‍ തുറന്നപ്പോഴാണ് പിടിയിലായ വിവരം കുട്ടികള്‍ അറിയുന്നത്.
ചെരുപ്പും,ബാഗും ഡ്രസ്സും വാങ്ങാനായി 80000 രുപയോളം ഇവര്‍ ചെലവഴിച്ചു. ഹോട്ടല്‍ ബില്ലും പതിനായിരം രുപയിലേറെയായി. എന്തായാലും 37 ലക്ഷം രുപയയുമായി ഒടുവില്‍ പെണ്‍കുട്ടികള്‍ പോലീസ് വലയിലായി. ഡല്‍ഹിയിലാണ് സംഭവം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha