പണത്തിനായി യാചിച്ച പതിനാലുകാരനെ തൊഴിച്ച മധ്യപ്രദേശ് വനിതാ മന്ത്രി വിവാദത്തില്
പണത്തിനായി തന്റെ മുന്നില് യാചിച്ച പതിനാലുകാരനെ കാലുയര്ത്തി തൊഴിച്ച മധ്യപ്രദേശ് സര്ക്കാരിലെ ബിജെപി വനിതാ മന്ത്രി കുസും മെഹ്ദെലെയുടെ നടപടി വിവാദമാകുന്നു. ഇന്നലെ ഉച്ച തിരിഞ്ഞ് മധ്യപ്രദേശിലെ പന്നായിലായിരുന്നു സംഭവം. തന്റെ മുന്നില് കുമ്പിട്ടുകിടന്ന് പണത്തിനായി യാചിച്ച 14കാരനെ കാലുയര്ത്തി തൊഴിച്ച മന്ത്രി അതിനുശേഷം കാറില് കയറി പോവുകയായിരുന്നു.
ഇവിടെ നടന്ന ശുചീകരണ യജ്ഞത്തില് പങ്കെടുത്ത മന്ത്രി തിരികെ പോകാന് കാറില് കയറാനെത്തുമ്പോഴായിരുന്നു മന്ത്രിയുടെ മുമ്പില് കുമ്പിട്ടുകിടന്ന് പണത്തിനായി യാചിച്ചത്്. മന്ത്രിയുടെ വിവാദ നടപടിയുടെ വിഡിയോ കാണിച്ച് പ്രതികരണമാരാഞ്ഞ മാധ്യമപ്രവര്ത്തകരോട് ഇതേക്കുറിച്ച് പ്രതികരിക്കാന് മന്ത്രി വിസമ്മതിച്ചു. പന്നാ നിയമസഭാ മണ്ഡലത്തില് നിന്നുള്ള ബിജെപി എംഎല്എയാണ് കുസും മെഹ്ദെലെ.
മധ്യപ്രദേശ് സര്ക്കാരിലെ സ്ഥിരം വിവാദ നായികയാണ് മൃഗ സംരക്ഷണ വകുപ്പിന്റെ ചുമതലയുള്ള ഈ മന്ത്രി. സിംഹം, കടുവ മുതലായ മൃഗങ്ങളെ വംശനാശ ഭീഷണിയില് നിന്ന് രക്ഷിക്കുന്നതിനായി അവയെ വീടുകളില് വളര്ത്താന് അനുവദിക്കുന്നതിന് നിയമ ഭേദഗതിക്കായി സംസ്ഥാന വനം വകുപ്പിന് കത്തെഴുതിയും മന്ത്രി ഇക്കഴിഞ്ഞ മാര്ച്ചില് വിവാദം സൃഷ്ടിച്ചിരുന്നു. ആഫ്രിക്കന് രാജ്യങ്ങളിലും തായ്ലന്ഡ് പോലുള്ള തെക്കുകിഴക്കന് ഏഷ്യന് രാജ്യങ്ങളിലും നിലവിലുള്ള നിയമങ്ങള് ഉദാഹരിച്ചുകൊണ്ടായിരുന്നു വനംവകുപ്പിനുള്ള മന്ത്രിയുടെ കത്ത്.
ഇക്കഴിഞ്ഞ ഓഗസ്റ്റില് തികാംഗഡിലെ ഒരു ഫാം ഹൗസില് സന്ദര്ശനം നടത്തവെ തന്നെ കൊതുകു കടിച്ചതില് രോഷാകുലയായി ഉദ്യോഗസ്ഥരെ ഭീഷണിപ്പെടുത്തതിയതിനും മന്ത്രി വാര്ത്തകളില് ഇടംനേടിയിരുന്നു. കഴിഞ്ഞ വര്ഷം മെയ് മാസത്തില് ഇതിലും ശ്രദ്ധേയമായ ഒരു സംഭവം നടന്നിരുന്നു. പിഡബ്ല്യൂഡി റസ്റ്റ് ഹൗസില് ശീതീകരണ സംവിധാനം പ്രവര്ത്തിക്കാഞ്ഞതിനാല് ഉറക്കം ശരിയായില്ലെന്ന് പറഞ്ഞും മന്ത്രി രണ്ട് ഉദ്യോഗസ്ഥരെ സസ്പെന്ഡ് ചെയ്തു. കൊതുകു കടിയും ഉണ്ടായിരുന്നത്രെ. ഡിസ്കോം ജനറല് മാനേജര്ക്ക് ഇതിന്റെ പേരില് കാരണം കാണിക്കല് നോട്ടീസും നല്കിയിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
