തമിഴ്‌നാട്ടില്‍ കഴിഞ്ഞ ദിവസങ്ങളില്‍ പെയ്ത മഴയില്‍ മരിച്ചവരുടെ എണ്ണം 48 ആയി ഉയര്‍ന്നു. താത്കാലികമായി ശമിച്ചെങ്കിലും അടുത്തയാഴ്ച വീണ്ടും ശക്തമായ മഴയുണ്ടാകുമെന്ന് കാലാവസ്ഥ നിരീക്ഷണകേന്ദ്രം അറിയിച്ചു.

അന്തമാന്‍ നിക്കോബാര്‍ ദ്വീപിന് തെക്കുഭാഗത്തായി പുതുതായി രൂപംകൊണ്ട ന്യൂനമര്‍ദം അടുത്ത ദിവസങ്ങളില്‍ ബംഗാള്‍ ഉള്‍ക്കടലിന്റെ തെക്കുകിഴക്ക് ഭാഗങ്ങളിലേക്ക് നീങ്ങുമെന്നാണ് പ്രതീക്ഷിക്കുന്നത്. ഇത് അടുത്തയാഴ്ച തമിഴ്‌നാട്ടില്‍ ശക്തമായ മഴയ്ക്ക് കാരണമായേക്കാമെന്ന് കാലാവസ്ഥാനിരീക്ഷണകേന്ദ്രം അറിയിച്ചു. തെക്കന്‍ ജില്ലകളില്‍ വെള്ളിയാഴ്ചയും മഴ തുടരും.

നവംബര്‍ ഒമ്പതിന് പെയ്ത കനത്ത മഴയെത്തുടര്‍ന്ന് ചെന്നൈ ഉള്‍പ്പെടെയുള്ള പലഭാഗങ്ങളും സാധാരണനില കൈവരിച്ചിട്ടില്ല. ന്യൂനമര്‍ദത്തെത്തുടര്‍ന്നുണ്ടായ ശക്തമായ മഴയിലും കാറ്റിലും കടലൂര്‍ ജില്ലയില്‍മാത്രം 36 പേര്‍ മരിച്ചിരുന്നു. വെള്ളത്തില്‍ ഒഴുകിപ്പോയും ചുമരിടിഞ്ഞും വൈദ്യുതി ആഘാതമേറ്റുമാണ് കൂടുതല്‍ പേരും മരിച്ചത്. ചിദംബരം, പണ്‍റൂട്ടി എന്നീ പ്രദേശങ്ങളില്‍ കടുത്ത കൃഷിനാശവുമുണ്ടായി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha