കേരളമല്ല തമിഴ്‌നാട്. എന്തിനും ഏതിനും നടപടി വളരെ വേഗത്തിലാണ്. അതും ജയലളിതയെ തൊട്ടാല്‍ കളിമാറുമെന്ന് വക്കീല്‍ തിരിച്ചറിഞ്ഞു. സോഷ്യല്‍ നെറ്റ് വര്‍ക്കില്‍ മുഖ്യമന്ത്രി ജയലളിതയെ അപകീര്‍ത്തിപ്പെടുത്തുന്ന ചിത്രം പോസ്റ്റ് ചെയ്തതിന് അഭിഭാഷകന്‍ അറസ്റ്റില്‍. ദീപാവലി ദിവസം പരസ്യ മോഡലിന്റെ ചിത്രത്തില്‍ ജയലളിതയുടെ മുഖം മോര്‍ഫ് ചെയ്ത് പോസ്റ്റിട്ട അഡ്വക്കേറ്റ് ബിസി ശ്രീധറിനെയാണ് വെള്ളിയാഴ്ച പുലര്‍ച്ചെ വീട്ടില്‍ നി്ന്ന് തമിഴ്‌നാട് പോലീസ് അറസ്റ്റ് ചെയ്തത്.
മദ്യക്കുപ്പിയുമായി നില്‍ക്കുന്ന മോഡല്‍ ദീപാവലി ആശംസ നേരുന്ന ചിത്രം മുഖ്യമന്ത്രിയെ അപമാനിക്കുന്നതാണെന്ന് കാണിച്ച് എ.ഐ.ഡി എംകെ ടൗണ്‍ സെക്രട്ടറി ദേവരാജ് നല്‍കിയ പരാതിയെ തുടര്‍ന്നാണ് അറസ്റ്റ്. സംസ്ഥാന സ്ത്രീ പീഡന നിരോധന നിയമവും ഐടി നിയമവും ചുമത്തിയാണ് കേസെടുത്തിരിക്കുന്നത്.
കഴിഞ്ഞ മാസം ജയലളിതയുടെ മദ്യനയത്തെ വിമര്‍ശിച്ചതിന് ഇടത് തീവ്രപക്ഷ കവി കോവനെ ദേശദ്രോഹ കുറ്റം ചുമത്തി അറസ്റ്റ് ചെയ്തത് വിവാദമായതിന് പിന്നാലെയാണ് അഭിഭാഷകന്റെ അറസ്റ്റ്. കോവന്റെ വീഡിയോയെന്ന പോലെ ശ്രീധറിന്റെ പോസ്റ്റും സോഷ്യല്‍മീഡിയയില്‍ വൈറലായിരുന്നു

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha