സര്ക്കാര് ജോലിയ്ക്ക് ഇന്റര്വ്യൂ എടുത്തുകളയല്: നടപടി വേഗത്തിലാക്കാന് കേന്ദ്ര നിര്ദ്ദേശം
കഴിയുന്നിടത്തോളം തസ്തികകളില് സര്ക്കാര് ജോലികളിലേക്കുള്ള ഇന്റര്വ്യൂ എടുത്തുകളയാനുള്ള നടപടികള് വേഗത്തിലാക്കാന് സംസ്ഥാനങ്ങള്ക്ക് കേന്ദ്രനിര്ദ്ദേശം. ചുവപ്പുകോട്ടയില് സ്വാതന്ത്ര്യദിന സന്ദേശം നല്കുന്നതിനിടെ പ്രധാനമന്ത്രി നരേന്ദ്രമോദി നടത്തിയ പ്രഖ്യാപനം 2015 ഡിസംബര് 31ന് മുമ്പ് നടപ്പില് വരുത്താനാണ് പേഴ്സണല് മന്ത്രാലയത്തിന്റെ ലക്ഷ്യം. വിവിധ മന്ത്രാലയങ്ങളുടെ കീഴിലുള്ള ഗ്രൂപ്പ് ബി, ഗ്രൂപ്പ് സി തസ്തികകളില് ഇന്റര്വ്യൂ ഒഴിവാക്കുമെന്നാണ് അന്ന്്് മോദി പ്രഖ്യാപിച്ചത്.
പുതിയ നയം നടപ്പാക്കാന് എല്ലാ സംസ്ഥാന മുഖ്യമന്ത്രിമാര്ക്കും സെപ്തംബറില് തന്നെ കത്തയച്ചതായി പേഴ്സണല് കാര്യ സഹമന്ത്രി ജിതേന്ദ്രസിംഗ് അറിയിച്ചു. വിവിധ സംസ്ഥാനങ്ങളുടെ പേഴ്സണല് വകുപ്പ് പൊതുഭരണ പ്രിന്സിപ്പല് സെക്രട്ടറിമാരുടെ ഏകദിന വര്ക്ക്ഷോപ്പ് ഉദ്ഘാടനം ചെയ്യുകയായിരുന്നു മന്ത്രി. ചില സംസ്ഥാനങ്ങള് വേഗത്തില് നടപടികളെടുക്കുന്നുണ്ടെങ്കിലും ചിലര് മെല്ലെപ്പോക്കിലാണ്. നിര്ദ്ദേശത്തിന്റെ ഗൗരവം മനസിലാക്കി വേഗത്തില് നടപ്പാക്കുമെന്നാണ് പ്രതീക്ഷയെന്നും അദ്ദേഹം അറിയിച്ചു.
ഏതൊക്കെ തസ്തികകളില് ഇന്റര്വ്യൂ ഒഴിവാക്കാനാകുമെന്ന് അതത് പി.എസ്.സികളും മറ്റ് റിക്രൂട്ടിംഗ് ഏജന്സികളും തീരുമാനിക്കണമെന്നും മുഖ്യമന്ത്രിമാര്ക്കുള്ള നിര്ദ്ദേശത്തില് പറയുന്നു. കൂടുതല് സുതാര്യമായി തിരഞ്ഞെടുക്കാനും പാവപ്പെട്ട ഉദ്യോഗാര്ത്ഥികള്ക്കും അവസരസമത്വം ഉറപ്പാക്കാനുമാണ് ഈ നീക്കം. ഗസറ്റഡ് ഓഫീസറുടെ സാക്ഷ്യപ്പെടുത്തല് ഒഴിവാക്കി സ്വയം സാക്ഷ്യപ്പെടുത്തല് ഏര്പ്പെടുത്തുകയും സിവില് സര്വീസ് പരീക്ഷാ സിലബസില് കാര്യക്ഷമമായ മാറ്റം വരുത്തുകയും ചെയ്തശേഷമാണ് പേഴ്സണല് മന്ത്രാലയത്തിന്റെ ശ്രദ്ധേയമായ നടപടി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivarthahttps://www.facebook.com/Malayalivartha
