പാരീസ് ഭീകരാക്രമണത്തിന് പിന്നാലെ ഇന്ത്യയിലെ ഐ.എസിന്റെ നീക്കങ്ങള്‍ക്കുമേല്‍ സുരക്ഷാ ഉദ്യോഗസ്ഥര്‍ പിടിമുറുക്കുന്നു. രാജ്യത്തിന്റെ വിവിധ ഭാഗങ്ങളില്‍നിന്നായി ഐ.എസുമായി ബന്ധമുള്ള 150ഓളം യുവാക്കള്‍ വിവിധ സുരക്ഷാ ഏജന്‍സികളുടെ നിരീക്ഷണത്തിലാണെന്ന് റിപ്പോര്‍ട്ടുകള്‍ വ്യക്തമാക്കുന്നു.

നീരീക്ഷണത്തിലുള്ള യുവാക്കളില്‍ വളരെ അധികം പേരും തെക്കേ ഇന്ത്യക്കാരാണെന്നാണ് റിപ്പോര്‍ട്ട്. യുവാക്കള്‍ ഐ.എസുമായി ബന്ധം പുലര്‍ത്തുന്നത് ഇന്റര്‍നെറ്റിലൂടെയാണെന്നും റിപ്പോര്‍ട്ടിലുണ്ട്.
ഇതുവരെ 23 ഇന്ത്യക്കാര്‍ ഇറാഖിലും സിറിയയിലും ഐ.എസുമായി ചേര്‍ന്ന് പോരാട്ടത്തിനെത്തിയതായാണ് കണക്ക്. ഇതില്‍ ആറുപേര്‍ പോരാട്ടത്തിന് ഇടയില്‍ കൊല്ലപ്പെടുകയും ഒരാള്‍ മുംബൈയിലെ വീട്ടില്‍ മടങ്ങിയെത്തുകയും ചെയ്തിരുന്നു. ഇന്ത്യയില്‍നിന്ന് ഐ.എസില്‍ ചേരുമെന്ന് വിവിധ ഏജന്‍സികള്‍ ഉറച്ചുവിശ്വസിച്ച 30പേര്‍ക്ക് രാജ്യം വിടുന്നതിനുള്ള അനുമതിയും നിഷേധിച്ചിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha