ആന്ധ്രാ സെക്രട്ടേറിയറ്റ് ജൂണ് ഒന്നുമുതല് പുതിയ തലസ്ഥാനത്ത്
ആന്ധ്രാപ്രദേശ് ഭരണ സിരാകേന്ദ്രം അടുത്ത ജൂണ് ഒന്നുമുതല് പുതിയ തലസ്ഥാനമായ വിജയവാഡയിലേക്ക് മാറും. ഇതിന് മുന്നോടിയായി അവിടേയ്ക്ക് മാറാനുള്ള നടപടികള് സ്വീകരിക്കാന് ചന്ദ്രബാബു നായിഡു സര്ക്കാര് ജീവനക്കാരോട് ആവശ്യപ്പെട്ടു.
സെക്രട്ടേറിയേറ്റും വിവിധ വകുപ്പ് മുഖ്യകാര്യാലയങ്ങളും സ്ഥിരം തലസ്ഥാനത്തേക്ക് മാറുമെന്ന് ചീഫ് സെക്രട്ടറി ഐ.വൈ.ആര് കൃഷ്ണ റാവു പുറത്തിറക്കിയ വിജ്ഞാപനത്തില് പറയുന്നു.
2014 ജൂണ് രണ്ടിനാണ് ആന്ധ്രാപ്രദേശ് വിഭജിച്ച് ആന്ധ്രാപ്രദേശ്, തെലങ്കാന സംസ്ഥാനങ്ങള് രൂപീകരിച്ചത്. മുഖ്യമന്ത്രി എന്.ചന്ദ്രബാബു നായിഡു നാലുമാസം മുമ്പ് പ്രവര്ത്തനം വിജയവാഡയിലേക്ക് മാറ്റിയിരുന്നു.
ആളുകളോടുള്ള ബന്ധം കൂടുതല് സുഗമമാക്കാന് എത്രയുംവേഗം നടപടിക്രമങ്ങള് പൂര്ത്തിയാക്കാനാണ് നായിഡു ആഗ്രഹിക്കുന്നത്. കൃഷ്ണാതീരത്തെ വിജയവാഡയില് ഒക്ടോബര് 22-ന് പ്രധാനമന്ത്രി നരേന്ദ്രമോദിയാണ് തലസ്ഥാനത്തിന് തറക്കല്ലിട്ടത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
