ഡല്‍ഹിയിലെ ട്രാഫിക് ലംഘനങ്ങള്‍ റിപ്പോര്‍ട്ട് ചെയ്യുന്ന ആളുകള്‍ക്ക് വമ്പന്‍ ഓഫറുകള്‍ പ്രഖ്യാപിച്ച് ഡല്‍ഹി പോലീസ്. മൊബൈല്‍ഫോണ്‍ വഴിയോ അല്ലാതെയോ തെളിവ് സഹിതം ട്രാഫിക് ലംഘനങ്ങള്‍ ചൂണ്ടിക്കാണിച്ചു തരുന്നവര്‍ക്ക് ഒരു കാറോ ബൈക്കോ അല്ലെങ്കില്‍ സൗജന്യ എയര്‍ടിക്കറ്റോ നല്‍കുമെന്നാണ് ഡല്‍ഹി പോലീസിന്റെ വാഗ്ദാനം.

\'ട്രാഫിക് സെന്‍നെല്‍ സ്‌കീം\' എന്നാണ് ഈ പുതിയ പദ്ധതിയുടെ പേര്. ഫോട്ടോഗ്രാഫുകള്‍ വഴിയോ വീഡിയോ ക്ലിപ്പുകള്‍ വഴിയോ ട്രാഫിക് ലംഘനങ്ങള്‍ അപ്‌ലോഡ് ചെയ്ത് പോലീസിനെ അറിയിക്കുകയാണ് വേണ്ടതെന്ന് ഡല്‍ഹി പോലീസ് കമ്മീഷണര്‍ ബി.എസ് ബാസി പറഞ്ഞു.
ചുവന്ന സിഗ്‌നലുകള്‍ തെറ്റിച്ച് മുന്നോട്ടു കടക്കുക, അപകടകരമായ രീതിയില്‍ വാഹനമോടിക്കുക, വാഹനമോടിക്കുന്നതിനിടെ മൊബൈലില്‍ സംസാരിക്കുക തുടങ്ങിയ ഗതാഗത നിയമലംഘനങ്ങള്‍ വീഡിയോ വഴി പകര്‍ത്തി നല്‍കുകയാണ് വേണ്ടത്. മറ്റ് നിയമലംഘനങ്ങളും ഫോട്ടോ വഴി പകര്‍ത്തി നല്‍കാമെന്ന് സ്‌പെഷ്യല്‍ കമ്മീഷണര്‍ ഓഫ് പോലീസ് മുക്തേഷ് ചന്ദര്‍ പറഞ്ഞു.
ട്രാഫിക് നിയമം ലംഘിച്ച് വാഹനം ഓടിക്കുന്നതിന്റെ വീഡിയോ അയച്ചുതരുന്നവര്‍ക്ക് 5 പോയിന്റ് നല്‍കും, ചുവപ്പ് സിഗ്‌നല്‍ തെറ്റിച്ചുപോകുന്നവരുടേയും അനുവദനീയമായതിലും കൂടുതല്‍ വേഗതയില്‍ വാഹനമോടിക്കുന്നതിന്റെ ദൃശ്യങ്ങള്‍ പകര്‍ത്തി നല്‍കുന്നവര്‍ക്ക് 3 പോയിന്റുമാണ് നല്‍കുക.

ഇത്തരത്തില്‍ ലഭിക്കുന്ന വീഡിയോകളും ഫോട്ടോകളുടേയും എണ്ണവും പോയിന്റും കണക്കാക്കിയാണ് വിജയികളെ നിശ്ചയിക്കുക. ഒന്നാം സമ്മാനം നേടുന്ന ആള്‍ക്ക് ഒരു കാറോ ബൈക്കോ അല്ലെങ്കില്‍ സൗജന്യവിമാന ടിക്കറ്റോ നല്‍കും. ഡിസംബര്‍ 14 വരെയാണ് സമയം.ഡിസംബര്‍ 15 ന് വിജയികളെ പ്രഖ്യാപിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha