പാക്കിസ്ഥാന്‍ ആസ്ഥാനമായി പ്രവര്‍ത്തിക്കുന്ന ലഷ്‌കറെ തയിബ ഇന്ത്യയിലെ പ്രമുഖ നഗരങ്ങളില്‍ ഭീകരാക്രമണം നടത്താന്‍ സാധ്യതയുണ്ടെന്ന് ഡല്‍ഹി പൊലീസിന്റെ നിഗമനം. ഡല്‍ഹി പൊലീസ് എഫ്‌ഐആറിലാണ് ഇന്ത്യയിലെ പ്രമുഖ നഗരങ്ങളില്‍ ആക്രമണം നടത്താന്‍ ലഷ്‌കറെ തയിബ തയ്യാറെടുക്കുന്നതായി സൂചന നല്‍കിയിട്ടുള്ളത്. ആള്‍ത്തിരക്കുള്ള നഗരപ്രദേശങ്ങളെ ഭീകരവാദികള്‍ ലക്ഷ്യമിടുമെന്നാണ് റിപ്പോര്‍ട്ടിലുണ്ട്. പാക്ക് രഹസ്യാന്വേഷണ ഏജന്‍സിയായ ഐഎസ്‌ഐ ചാരന്‍മാരെ ഉപയോഗിച്ച് ഇന്ത്യയുമായി ബന്ധപ്പെട്ട രഹസ്യ സ്വഭാവമുള്ള വിവരങ്ങള്‍ ചോര്‍ത്തിയ സംഭവവുമായി ബന്ധപ്പെട്ട് നടത്തിയ അന്വേഷണത്തിന്റെ ഭാഗമായാണ് ഡല്‍ഹി പൊലീസ് ഇക്കാര്യം പുറത്ത്‌കൊണ്ട് വന്നത്. ഇന്ത്യയ്‌ക്കെതിരെ ആക്രമണം നടത്താന്‍ തങ്ങള്‍ ശക്തരാണെന്നും ലഷ്‌കറെ തയിബ വക്താവ് അബ്ദുല്ല ഗസ്‌നാവി വ്യക്തമാക്മാക്കിയിരുന്നു. ഐഎസുമായി തങ്ങള്‍ കൈകോര്‍ക്കുവെന്ന പ്രചാരണം ഇന്ത്യയുടെ സൃഷ്ടിയാണെന്നും ലഷ്‌കര്‍ ആരോപിച്ചിരുന്നു. ചാരപ്രവര്‍ത്തനവുമായി ബന്ധപ്പെട്ട് കഴിഞ്ഞ ദിവസം ജമ്മു കശ്മീരില്‍ അധ്യാപകനായ സാബിര്‍ എന്നയാളെ ഡല്‍ഹി പൊലീസ് ഇന്നലെ അറസ്റ്റ് ചെയ്തിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha