പഞ്ചാബ് ഇലക്ഷനില് ആം ആദ്മി പാര്ട്ടി വന്വിജയം നേടുമെന്ന് കെജ്രിവാള്
പഞ്ചാബ് ഇലക്ഷനില് ആം ആദ്മി പാര്ട്ടി വന്വിജയം നേടുമെന്ന് ഡല്ഹി മുഖ്യമന്ത്രി അരവിന്ദ് കെജ്രിവാള്.ഡെല്ഹിയില് നടന്ന ഹിന്ദുസ്ഥാന് ടൈംസിന്റെ ലീഡേഴ്സ് സമ്മിറ്റില് സംസാരിക്കുകയായിരുന്നു അദ്ദേഹം. ബി.ജെ.പി നേതാവും മുന് ക്രിക്കറ്റ് താരവുമായിരുന്ന നവ്ജോത് സിംഗ് സിദ്ദുവിനെ ആം ആദ്മി പാര്ട്ടിയിലേക്ക് സ്വാഗതം ചെയ്യുന്നതായും കെജ്രിവാള് അറിയിച്ചു. അടുത്തവര്ഷം ആദ്യമാണ് പഞ്ചാബ് അസംബ്ലി തിരഞ്ഞെടുപ്പ്.
ഡല്ഹിയിലെ വിജയം പഞ്ചാബില് ആവര്ത്തിച്ചാല് തനിക്കതില് യാതൊരു അത്ഭുതവുമുണ്ടാകില്ല. നവ്ജോത് സിംഗ് സിദ്ദു ആം ആദ്മിയിലേക്ക് വരാന് ആഗ്രഹിക്കുന്നുണ്ടെങ്കില് അദ്ദേഹത്തെ സ്വാഗതം ചെയ്യുന്നു. എന്നാല് ഇക്കാര്യവുമായി ബന്ധപ്പെട്ട് ഇതുവരെ യാതൊരു ചര്ച്ചകളും നടന്നിട്ടില്ലെന്നും കെജ്രിവാള് പറഞ്ഞു.
2014ലെ തിരഞ്ഞെടുപ്പില് സിദ്ദുവിന്റെ പഴയ നിയോജകമണ്ഡലമായിരുന്ന അമൃതസറില് മത്സരിക്കാന് ബി.ജെ.പി സീറ്റ് നല്കിയിരുന്നില്ല. ഇതേ തുടര്ന്ന് പാര്ട്ടിയുമായി അത്ര നല്ല ബന്ധത്തിലല്ല സിദ്ദു. പഞ്ചാബില് സിദ്ദുവിനെ ആം ആദ്മിയുടെ പ്രചാരണത്തിനിറക്കാന് ആം ആദ്മി പ്രവര്ത്തകര് ശ്രമിച്ചുകൊണ്ടിരിക്കുന്നതായി റിപ്പോര്ട്ടുകളുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
