ഉത്തര്‍പ്രദേശിലെ നൊയിഡയില്‍ വാഹനാപകത്തില്‍ ഭര്‍ത്താവ് മരിച്ചതില്‍ മനംനൊന്ത് ഭാര്യ ട്രക്കിന് മുന്നില്‍ ചാടി മരിച്ചു. ഞായറാഴ്ച രാവിലെ വാഹനാപകടത്തിലായിരുന്നു ഉസ്മാന്‍ മരിച്ചത്. അമിത വേഗത്തില്‍ എത്തിയ ട്രക്കുമായി കൂട്ടി ഇടിക്കുകയായിരുന്നു ഉസ്മാന്‍ സഞ്ചരിച്ചിരുന്ന കാര്‍. മരണ വാര്‍ത്ത അറിഞ്ഞ അന്ന് വൈകുന്നേരം തന്നെ ട്രക്കിന് മുന്നില്‍ ചാടി ജീവനൊടുക്കുകയായിരുന്നു നൂര്‍ജഹാന്‍ . അപകടത്തിന് ശേഷം ഉസ്മാനൊപ്പമുള്ള മൂന്ന് പേരെയും ആശുപത്രിയില്‍ എത്തിച്ചെങ്കിലും ഉസ്മാന്‍ മരിച്ചിരുന്നു. ഉസ്മാന്‍ മരിച്ചെന്ന വാര്‍ത്ത അറിഞ്ഞാണ് ഭാര്യ നൂര്‍ജഹാനും കുടുംബവും കാറില്‍ ആശുപത്രിയിലേക്ക് തിരിക്കുന്നത്. പോകുന്ന വഴിക്ക് തനിക്ക് ഛര്‍ദ്ദിക്കണമെന്ന് നൂര്‍ജഹാന്‍ ആവശ്യപ്പെട്ടതിനെ തുടര്‍ന്ന് െ്രെഡവര്‍ കാര്‍ നിര്‍ത്തി. ഛര്‍ദ്ദിക്കാണം എന്ന പേരില്‍ പുറത്തേക്കിറങ്ങിയ നൂര്‍ജഹാന്‍ അമിത വേഗതയില്‍ എത്തിയ ട്രക്കിന് മുന്നിലേക്ക് ചാടുകയായിരുന്നു. സംഭവസ്ഥലത്ത് വച്ച് തന്നെ നൂര്‍ജഹാന്‍ മരിച്ചിരുന്നു. ഉസ്മാന്‍- നൂര്‍ജഹാന്‍ ദമ്പതികള്‍ക്ക് രണ്ട് മക്കള്‍ ഉണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha