പ്രധാനമന്ത്രി നരേന്ദ്ര മോദിയേയും മറ്റു കേന്ദ്ര മന്ത്രിമാരെയും കാണുന്നതിനായി മുഖ്യമന്ത്രി ഉമ്മന്‍ ചാണ്ടി ഇന്നു ഡല്‍ഹിക്കു പോകും. മുഖ്യമന്ത്രി പ്രധാനമന്ത്രിയുമായി ഇന്നു കൂടിക്കാഴ്ച നടത്തിയേക്കും. മുല്ലപ്പെരിയാര്‍ സംബന്ധിച്ച കേരളത്തിന്റെ ആശങ്കകള്‍ മുഖ്യമന്ത്രി പ്രധാനമന്ത്രിയുടെ ശ്രദ്ധയില്‍ പെടുത്തും. മുല്ലപ്പെരിയാറിനു പുറമേ സംസ്ഥാനത്തെ റബര്‍ വിലയിടിവ് പ്രതിസന്ധിയും മുഖ്യമന്ത്രി കേന്ദ്ര സര്‍ക്കാരിന്റെ ശ്രദ്ധയില്‍പ്പെടുത്തും.
വ്യാഴാഴ്ച റെയില്‍വേ ബജറ്റിനു മുന്നോടിയായിട്ടുള്ള ചര്‍ച്ചയിലും മുഖ്യമന്ത്രി പങ്കെടുക്കും. റെയില്‍വേ ബജറ്റിനുമുന്നോടിയായി കേരളത്തില്‍ നിന്നുള്ള എംപിമാരുമായും ചര്‍ച്ചകള്‍ നടത്തും. കേരളത്തിന്റെ വിവിധ ആവശ്യങ്ങള്‍ സംബന്ധിച്ച് വിവിധ കേന്ദ്ര മന്ത്രിമാരുമായും കൂടിക്കാഴ്ചകള്‍ നടത്തും. കേന്ദ്ര റെയില്‍വേ മന്ത്രിയുമായുള്ള കൂടിക്കാഴ്ചയില്‍ സംസ്ഥാന ഗതാഗത വകുപ്പ് മന്ത്രി ആര്യാടന്‍ മുഹമ്മദും പങ്കെടുക്കും. സംസ്ഥാന തൊഴില്‍ വകുപ്പ് മന്ത്രി ഷിബു ബേബി ജോണും ഡല്‍ഹിയിലെത്തി കേന്ദ്ര മന്ത്രിമാരുമായി ചര്‍ച്ച നടത്തും.

കോണ്‍ഗ്രസ് അധ്യക്ഷ സോണിയാ ഗാന്ധി, ഉപാധ്യക്ഷന്‍ രാഹുല്‍ ഗാന്ധി എന്നിവരുമായും മുഖ്യമന്ത്രി സംസാരിക്കും. തദ്ദേശതെരഞ്ഞെടുപ്പിനു ശേഷമുള്ള സംസ്ഥാനത്തെ രാഷ്ട്രീയസാഹചര്യം ഈ ചര്‍ച്ചകളില്‍ ഇടംപിടിക്കുമെന്നാണ് അറിയാന്‍ കഴിയുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha