കല്ക്കരി ഇടപാടില് പ്രധാനമന്ത്രിയെ ചോദ്യം ചെയ്യണമെന്ന് സി.ബി.ഐ
കല്ക്കരിപ്പാടം അഴിമതിക്കേസില് പ്രധാനമന്ത്രിയെ ചോദ്യം ചെയ്യണമെന്ന് ആവശ്യം. സി.ബി.ഐ എസ്.പി കെ.ആര് ചൗരസ്യ ഇക്കാര്യം ആവശ്യപ്പെട്ട് സി.ബി.ഐ ഡയറക്ടറെ സമീപിച്ചു. കഴിഞ്ഞ മാസമാണ് ചൗരസ്യ ഈ ആവശ്യം സി.ബി.ഐ ഡയറക്ടറെ അറിയിച്ചത്. എന്നാല് ഡയറക്ടര് ഇക്കാര്യം പരിഗണിച്ചില്ല എന്നാണ് അറിയുന്നത്.
ഈ ഘട്ടത്തില് പ്രധാനമന്ത്രിയെ ചോദ്യം ചെയ്യേണ്ടെന്നും അന്വേഷണം ഇനിയും പൂര്ത്തിയാകാന് ഉണ്ടെന്നുമാണ് സി.ബി.ഐ ഡയറക്ടറുടെ നിലപാട്. കല്ക്കരിപ്പാടം വിതരണവുമായി ബന്ധപ്പെട്ട വിവാദം പാര്ലമെന്റില് കത്തിക്കയറുന്ന വേളയില് സി.ബി.ഐ എസ്.പിയുടെ ആവശ്യം സര്ക്കാരിനെ കൂടതല് പ്രതിസന്ധിയിലാക്കും.
കല്ക്കരിപ്പാടം വിതരണവുമായി ബന്ധപ്പെട്ട ഫയലുകള് കാണാതായ സംഭവത്തില് പ്രതിപക്ഷം പാര്ലമെന്റില് പ്രതിഷേധിച്ചിരുന്നു. ഇക്കാര്യത്തില് സര്ക്കാരിന് ഒന്നും മറച്ചുവെയ്ക്കാനില്ലെന്നാണ് ഇന്നലെ പ്രധാനമന്ത്രി വിശദീകരണം നല്കിയത്.
കല്ക്കരി ഇടപാടില് 1993-2005 വരെയുള്ള ഫയലുകള് കാണാനില്ലെന്നാണ് സി.ബി.ഐ പറയുന്നത്. പ്രധാനരേഖകളാണ് കാണാതായതെന്നും എന്നാല് ഇതിനെക്കുറിച്ച് കല്ക്കരി മന്ത്രാലയം സി.ബി.ഐയെ അറിയിച്ചില്ലെന്നും സി.ബി.ഐ വ്യക്തമാക്കി.
https://www.facebook.com/Malayalivartha
