നിങ്ങളൊരു ബിരുദം വിദ്യാര്‍ത്ഥിയാണോ? ആണെങ്കില്‍ 75 ശതമാനം ഹാജരുണ്ടോ? . ഉണ്ടെങ്കില്‍ ഉറപ്പിക്കാം നിങ്ങള്‍ക്ക് സൗജന്യമായൊരു സ്മാര്‍ട്ട് ഫോണ്‍ കിട്ടും. എവിടെയാണെന്നല്ലേ?. മധ്യപ്രദേശ് സര്‍ക്കാരാണ് ഈ ഉത്തരവ് പുറപ്പെടുവിച്ചത്.
75 ശതമാനം ഹാജരുള്ള അണ്ടര്‍ ഗ്രാജുവേറ്റ് വിദ്യാര്‍ത്ഥികള്‍ക്ക് സ്മാര്‍ട്ട്‌ഫോണ്‍ നല്‍കുമെന്ന് മധ്യപ്രദേശ് സര്‍ക്കാര്‍. ഈ പദ്ധതി സംസ്ഥാന സര്‍ക്കാര്‍ നേരത്തെ പ്രഖ്യാപിച്ചിരുന്നതാണെങ്കിലും സാങ്കേതിക തടസ്സങ്ങള്‍ മൂലം ആരംഭിക്കാന്‍ സാധിച്ചില്ലെന്ന് വിദ്യാഭ്യാസ മന്ത്രി നിയമസഭയെ അറിയിച്ചു.
എന്നാല്‍, ഇപ്പോള്‍ ഈ പദ്ധതി നടപ്പാക്കാന്‍ തുടങ്ങുകയാണെന്നും വിദ്യാര്‍ത്ഥികള്‍ക്ക് സ്മാര്‍ട്ട്‌ഫോണ്‍ നല്‍കുന്നതിനുള്ള ടെണ്ടര്‍ നടപടികള്‍ ആരംഭിച്ചുവെന്നും അദ്ദേഹം സഭയിലെ ചോദ്യങ്ങള്‍ക്ക് മറുപടിയായി പറഞ്ഞു.
2013 അസംബ്ലി തെരഞ്ഞെടുപ്പ് സമയത്ത് സര്‍ക്കാര്‍ വാഗ്ദാനം ചെയ്തതാണ് ഈ പദ്ധതി. കഴിഞ്ഞ രണ്ടു തവണ ടെണ്ടര്‍ നടപടികള്‍ പൂര്‍ത്തിയാക്കാന്‍ സര്‍ക്കാരിന് സാധിക്കാതിരുന്നതിനാല്‍ സ്മാര്‍ട്ട്‌ഫോണ്‍ വിതരണം നടന്നില്ല. സ്മാര്‍ട്ട്‌ഫോണിന് അര്‍ഹരായ വിദ്യാര്‍ത്ഥികളുടെ ലിസ്റ്റ് അയച്ചു കൊടുക്കാന്‍ ഈ വര്‍ഷം ആദ്യം സര്‍ക്കാര്‍ കോളജുകള്‍ക്ക് നിര്‍ദ്ദേശം നല്‍കിയിരുന്നു.

എന്നാല്‍, ലിസ്റ്റ് ലഭിച്ച് എട്ടു മാസങ്ങളോളം പിന്നിട്ടെങ്കിലും ഇതുവരെ നടപടികളൊന്നുമായിട്ടില്ല. സ്മാര്‍ട്ട്‌ഫോണ്‍ കൊടുക്കുമെന്ന് നിയമസഭയില്‍ പറഞ്ഞതല്ലാതെ ടെണ്ടര്‍ നടപടികള്‍ ആരംഭിച്ചിട്ടില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha