ഹിറ്റ് ആന്‍ഡ് റണ്‍ കേസില്‍ ബോളിവുഡ് താരം സല്‍മാന്‍ ഖാനെ കോടതി വെറുതെ വിട്ടപ്പോള്‍ ഉത്തരം കിട്ടാത്ത ചോദ്യത്തിന് മുന്നില്‍ പകച്ച് ഫിറോസ് ഫെയ്ഖ് എന്ന യുവാവ്. സല്‍മാന്‍ നിരപരാധിയെങ്കില്‍ എന്റെ പിതാവിന്റെ മരണത്തിന് ഉത്തരവാദി ആരാണ്? പതിമൂന്ന് വര്‍ഷം നീണ്ട കോടതി നടപടികള്‍ക്കൊടുവില്‍ ഒരു ദിവസം പോലും ശിക്ഷിക്കപ്പെടാതെ സല്‍മാന്‍ കുറ്റവിമുക്തനാകുമ്പോള്‍ ഇന്നാട്ടിലെ നിയമവ്യവസ്ഥയോട് ഫിറോസ് ഉന്നയിക്കുന്ന ചോദ്യമാണിത്.

കോടതി വിധി കേട്ട് കണ്ണുനിറഞ്ഞ സല്‍മാനെ ഒപ്പിയെടുക്കാന്‍ ചാനല്‍ ക്യാമറകള്‍ മത്സരിച്ചപ്പോള്‍, മുംബൈയിലെ മാല്‍വാനിയിലെ ചേരിയിലെ വീട്ടിലിരുന്നു പിതാവിനെ ഓര്‍ത്ത് കരഞ്ഞ ഫിറോസിനെ കാണാന്‍ ചാനലുകള്‍ ഓടിയെത്തിയില്ല. 2002 സെപ്റ്റംബറില്‍ സല്‍മാന്‍ മദ്യപിച്ച് വാഹനമോടിച്ച് അപകടമുണ്ടാക്കിയ സംഭവത്തില്‍ ഫിറോസ് ഖാന്റെ പിതാവ് നൂറുള്ള ഖാനാണ് കൊല്ലപ്പെട്ടത്.

സല്‍മാനെ വെറുതെ വിട്ടതില്‍ തനിക്ക് വിരോധമൊന്നുമില്ല. എന്നാല്‍ സല്‍മാന്‍ നിരപരാധിയെങ്കില്‍ തന്റെ പിതാവിനെ കൊന്നത് ആരാണെന്ന് തനിക്ക് ഉത്തരം വേണമെന്ന് ഫിറോസ് പറഞ്ഞു. കഴിഞ്ഞ പതിമൂന്ന് വര്‍ഷമായി താന്‍ ഉത്തരം തേടിക്കൊണ്ടിരിക്കുന്ന ചോദ്യമാണ് ഇതെന്നും ഫിറോസ് കൂട്ടിച്ചേര്‍ത്തു. പിതാവിന്റെ മരണത്തെ തുടര്‍ന്ന് പഠനം പതിവഴിയില്‍ ഉപേക്ഷിച്ച് ജോലിക്കിറങ്ങിയ ഫിറോസിന് ഇപ്പോള്‍ 25 വയസുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha