കൈക്കൂലി: മുംബൈ ആദായനികുതി വകുപ്പ്ജോയിന്റ് കമ്മീഷണര് അറസ്റ്റില്
മുംബൈ ആദായനികുതി വകുപ്പ് ജോയിന്റ് കമ്മീഷണര് അഞ്ച് ലക്ഷം രൂപ കൈക്കൂലി വാങ്ങുന്നതിനിടെ സി.ബി.ഐയുടെ പിടിയിലായി. ജോയിന്റ് കമ്മീഷണര് എസ്.കെ. ഝാങ്ഗ്രെയാണ് അറസ്റ്റിലായത്.
മുംബൈയിലെ ഒരു സ്വകാര്യ സ്ഥാപന ഉടമ നല്കിയ പരാതിയുടെ അടിസ്ഥാനത്താല് സി.ബി.ഐ നടത്തിയ നീക്കത്തിലാണ് ഇയാള് പിടിയിലായത്.
സ്ഥാപനത്തിന്റെ ആദായ നികുതി രേഖകള് പുന:പരിശോധനയ്ക്ക് വിധേയമാക്കാതിരിക്കാന് 30 ലക്ഷം രൂപ ഉടമയോട് ഝാങ്ഗ്രെ ആവശ്യപ്പെട്ടിരുന്നു.
തുടര്ന്ന് നടന്ന വിലപേശലില് തുക 25 ലക്ഷമാക്കി പുനര്നിശ്ചയിച്ചു. ഇതിനിടെ ഉടമ ഈ വിവരം സി.ബി.ഐ-യെ അറിയിച്ചതിനെ തുടര്ന്ന് ഝാങ്ഗ്രെയ്ക്കായി സി.ബി.ഐ വലവിരിക്കുകയായിരുന്നു.
ആദ്യ ഗഡുവായ അഞ്ച് ലക്ഷം രൂപ പിരമാള് ചേമ്പേഴ്സിലെ തന്റെ ഓഫീസില് വെച്ച് കൈപ്പറ്റുന്നതിനിടെയാണ് ഝാങ്ഗ്രെയെ സി.ബി.ഐ സംഘം കൈയ്യോടെ പിടികൂടിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
