ഡല്‍ഹിയില്‍ സ്‌കൂളില്‍പോയ പതിനാലുകാരിയെ തട്ടിക്കൊണ്ടുപോയി കൂട്ടമാനഭംഗപ്പെടുത്തി. അയല്‍ക്കാരനുള്‍പ്പെടെ ആറു പേര്‍ ചേര്‍ന്നാണ് പെണ്‍കുട്ടിയെ തട്ടിക്കൊണ്ടുപോയി വാനിലുള്ളില്‍ കൂട്ടമാനഭംഗത്തിനിരയാക്കിയത്. കഴിഞ്ഞ വ്യാഴാഴ്ച തെക്കുപടിഞ്ഞാറന്‍ ഡല്‍ഹിയിലെ നജാഫ്ഗഡ് ദിച്ചാവോനിലായിരുന്നു സംഭവം.
പ്രതികളില്‍ അഞ്ചുപേരെ പോലീസ് അറസ്റ്റ് ചെയ്തു. ഒരാള്‍ ഒളിവിലാണ്. സംഭവദിവസം രാവിലെ 7.30 ന് സ്‌കൂളിലേക്ക് പോകാനിറങ്ങിയ പെണ്‍കുട്ടിയെ വീടിനു സമീപത്തുവച്ച്, ടാറ്റാസുമോയിലെത്തിയ പ്രതികള്‍ ബലമായി വാനിലേക്ക് വലിച്ചുകയറ്റി. പിന്നീട് ഓടുന്ന വാഹനത്തില്‍ പ്രതികളെല്ലാവരും പെണ്‍കുട്ടിയെ മാനഭംഗപ്പെടുത്തി.

സംഭവം വഴിയാത്രക്കാരിലൊരാള്‍ കാണുകയും ട്രാഫിക് പോലീസില്‍ വിവരമറിയിക്കുകയും ചെയ്തു. ട്രാഫിക് പോലീസ് നല്‍കിയ വിവരത്തിന്റെ അടിസ്ഥാനത്തില്‍ വാഹനം തടഞ്ഞ് പ്രതികളെ പോലീസ് കസ്റ്റഡിയിലെടുക്കുകയും പെണ്‍കുട്ടിയെ രക്ഷപ്പെടുത്തുകയും ചെയ്തു. എന്നാല്‍ പ്രതികളിലൊരാള്‍ പോലീസിനെ വെട്ടിച്ച് കടന്നുകളഞ്ഞു. ഇയാള്‍ക്കുവേണ്ടിയുള്ള തെരച്ചില്‍ തുടരുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha