എല്ലാ മതങ്ങളും മനുഷ്യത്വത്തിനാണ് പ്രധാന്യം നല്‍കുന്നതെന്ന് രാഷ്ട്രപതി പ്രണബ് മുഖര്‍ജി. ഏതൊരു വ്യക്തിക്കും ഇന്ത്യയില്‍ ഭയമോ മുന്‍വിധിയോ കൂടാതെ ജീവിക്കാന്‍ സാധിക്കണമെന്നും അദ്ദേഹം പറഞ്ഞു. എങ്കില്‍ മാത്രമേ ഇന്ത്യയുടെ സാമൂഹിക അടിത്തറ ശക്തമായി നിലനില്‍ക്കൂ. സംയമനം, നിയന്ത്രണം, വ്യത്യസ്തമായ കാഴ്ചപ്പാടുകളെ ഉള്‍ക്കൊള്ളുക മുതലായ മൂല്യങ്ങളുടെ അടിസ്ഥാനത്തിലാണ് ഇന്ത്യ അതിന്റെ ബഹുസ്വരത നിലനിര്‍ത്തുന്നതെന്നും പ്രണബ് പറഞ്ഞു.

ജാതിയുടെയോ മതത്തിന്റെയോ അതിര്‍വരമ്പുകള്‍ ഇല്ലാതായാല്‍ മാത്രമേ സമൂഹത്തിന്റെ അടിത്തറ ശക്തമാകൂവെന്നും അദ്ദേഹം ഓര്‍മിപ്പിച്ചു. കൊല്‍ക്കത്ത മഹാഇടവക ഇരുനൂറാം വാര്‍ഷികാഘോഷങ്ങളുടെ സമാപന സമ്മേളനത്തില്‍ സംസാരിക്കുകയായിരുന്നു അദ്ദേഹം.

നേരത്തെ, ദാദ്രി സംഭവത്തിനു ശേഷവും രാജ്യത്തിന് അസഹിഷ്ണുത വര്‍ധിക്കുന്നുവെന്ന റിപ്പോര്‍ട്ടുകള്‍ വന്നപ്പോഴും രാഷ്ട്രപതി സഹിഷ്ണുതയും ഇന്ത്യയുടെ ബഹുസ്വരതയും രാജ്യത്തിന് ശക്തമാക്കണമെന്ന് ആവശ്യപ്പെട്ടിരുന്നു. നാനാത്വത്തിലെ ഏകത്വമാണ് ഇന്ത്യന്‍ സംസ്‌കാരത്തിന്റെ അടിസ്ഥാന മൂല്യമെന്നും ഓര്‍മ്മപ്പെടുത്തിക്കൊണ്ടായിരുന്നു സഹിഷ്ണുതാ മനോഭാവം വളര്‍ത്താനുള്ള രാഷ്ട്രപതിയുടെ ആഹ്വാനം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha