മദ്ധ്യപ്രദേശിലെ ഖാര്‍ഗോണില്‍ ബസ് പാലത്തിന് താഴേക്ക് മറിഞ്ഞ് നിരവധി മരണം.... ഇന്ന് രാവിലെയായിരുന്നു അപകടം നടന്നത് . നിരവധി പേര്‍ക്ക് പരിക്കേറ്റിട്ടുണ്ടെന്ന് എസ് പി ധരം വീര്‍ സിംഗ് അറിയിച്ചു.

പരിക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചു. അന്‍പതോളം പേരാണ് ബസിലുണ്ടായിരുന്നതെന്നാണ് പ്രാഥമിക വിവരം. മരിച്ചവരുടെ കുടുംബങ്ങള്‍ക്ക് നാല് ലക്ഷം രൂപ വീതവും, പരിക്കേറ്റവര്‍ക്ക് അന്‍പതിനായിരം രൂപ വീതവും നഷ്ടപരിഹാരം നല്‍കുമെന്ന് സംസ്ഥാന സര്‍ക്കാര്‍.


ശ്രീഖണ്ഡിയില്‍ നിന്ന് ഇന്‍ഡോറിലേക്ക് പോവുകയായിരുന്ന ബസാണ് അപകടത്തില്‍പ്പെട്ടത്. ബോറാഡ് നദിയുടെ പാലത്തിന്റെ മുകളില്‍ നിന്നാണ് ബസ് താഴേക്ക് മറിഞ്ഞത്. സംഭവത്തില്‍ സര്‍ക്കാര്‍ അന്വേഷണം പ്രഖ്യാപിച്ചു. അമിതഭാരമാണ് ബസ് മറിയാന്‍ കാരണമെന്നാണ് പ്രാഥമിക നിഗമനത്തിലുള്ളത്.