കര്‍ണ്ണാടകയില്‍ താമരയുടെ തണ്ടൊടിച്ചത് ഭാരത് ജോഡോ യാത്ര. ബിജെപി രാഹുല്‍ ഗാന്ധിയെ അണ്ടറെസ്റ്റിമേറ്റ് ചെയ്തു. പപ്പുമോനല്ല താനെന്ന് പ്രവര്‍ത്തിയിലൂടെ തെളിയിച്ച് രാഹുല്‍. മുന്‍പ് കര്‍ണാടക ഭരണം പിടിച്ചപ്പോള്‍ ബിജെപി പറഞ്ഞത് ദക്ഷിണേന്ത്യയിലേക്കുള്ള കവാടം ഞങ്ങള്‍ തുറന്നുവെന്നാണ്. എന്നാല്‍ ആ കവാടം കന്നടികര്‍ കൊട്ടിയടച്ചുവെന്ന് സോഷ്യല്‍മീഡിയയില്‍ നിറയുന്ന കമന്റുകള്‍. 21 ദിവസമാണ് രാഹുല്‍ കര്‍ണ്ണാടകയിലുടനീളം നടന്നത്. ഒരുമിക്കുന്ന ചുവടുകള്‍, ഒന്നാകുന്ന രാജ്യം എന്നായിരുന്നു രാഹുല്‍ഗാന്ധി നയിച്ച ഭാരത് ജോഡോ യാത്രയുടെ മുദ്രാവാക്യം. കോണ്‍ഗ്രസ്സിന്റെ സമീപകാല ചരിത്രത്തില്‍ ഇത് പോലൊരു മുദ്രാവാക്യം ഉണ്ടായിട്ടില്ല. രാഹുലിന്റെ ക്യാലിബര്‍ എന്താണെന്ന് പുറത്തുകൊണ്ടുവരാന്‍ ഭാരത് ജോഡോയ്ക്ക് കഴിഞ്ഞു.

കര്‍ണ്ണാടകയിലെ മുന്നേറ്റത്തിന് രാഹുലിന് നന്ദി പറയുകയാണ് കോണ്‍ഗ്രസ്സുകാര്‍. രാഹുല്‍ ഗാന്ധി അജയ്യനാണെന്ന പ്രഖ്യാപനവുമായി കോണ്‍ഗ്രസ്. ട്വിറ്ററില്‍ പോസ്റ്റ് ചെയ്ത ലഘു കുറിപ്പിലൂടെയാണ്, രാഹുല്‍ ഗാന്ധിയെ പുകഴ്ത്തി കോണ്‍ഗ്രസിന്റെ ട്വീറ്റ്. 'ഞാന്‍ അജയ്യനാണ്. എനിക്ക് കടുത്ത ആത്മവിശ്വാസമുണ്ട്. അതെ, ഇന്ന് എന്നെ തടയാനാകില്ല' ഇതായിരുന്നു ട്വീറ്റ്. രാഹുല്‍ ഗാന്ധി നടത്തിയ ഭാരത് ജോഡോ യാത്ര കടന്നു പോയ സംസ്ഥാനങ്ങളില്‍, അതിനു ശേഷം നടക്കുന്ന ആദ്യ തിരഞ്ഞെടുപ്പാണ് കര്‍ണാടകയിലേത്. യാത്രയുടെ ഭാഗമായി 21 ദിവസമാണ് രാഹുല്‍ ഗാന്ധി കര്‍ണാടകയിലൂടെ നടന്നത്. അതുകൊണ്ടുതന്നെ, കര്‍ണാടകയിലെ മുന്നേറ്റം രാഹുലിന്റെ കൂടി വിജയമായാണ് പാര്‍ട്ടി അവതരിപ്പിക്കുന്നത്.

ഭാരത് ജോഡോ ഞങ്ങള്‍ക്ക് ഒരു തടസ്സമല്ല ഞങ്ങള്‍ രാഹുലിനെ ഭയക്കുന്നില്ല നാഴികയ്ക്ക് നാല്‍പ്പതുവട്ടം പറഞ്ഞ ബിജെപി. ജോഡോ യാത്രയ്ക്ക് പിന്നാലെ തന്നെ ആയിരുന്നു. രാഹുലും കോണ്‍ഗ്രസ് നേതാക്കളും എന്ത് പ്രസംഗിച്ചാലും അതിന് മറുപടി പറഞ്ഞും ട്രോളിയും ബിജെപിക്കാര്‍ സൈബറിടങ്ങളില്‍ നിറയാന്‍ വ്യഗ്രത കാണിച്ചു. ഭാരത് ജോഡോയെ ബിജെപി ഭയക്കുന്നു എന്നതിന് തെളിവായിരുന്നു ഇത്. രാഹുലിനൊപ്പം നടന്നും കര്‍ണ്ണാടകയിലെ ജനങ്ങള്‍. പിന്നീട് ബിജെപി ഇറക്കിയ കാര്‍ഡ് അവരുടെ തന്നെ കുഴിതോണ്ടി. രാഹുലിനെ അയോഗ്യനാക്കാന്‍ കോലാറില്‍ രാഹുല്‍ നടത്തിയ പ്രസംഗം ആയുധമാക്കി. കര്‍ണ്ണാടകയിലെ പ്രസംഗത്തിന് സൂറത്തില്‍ കേസ് കൊടുത്തു. രാഷ്ട്രീയ കരുനീക്കം നടത്തി ബിജെപി. എന്നാല്‍ അവിടെ പിഴച്ചു. രാജ്യം രാഹുലിന് പിന്നില്‍ അണിനരന്നു. സൈബറിടങ്ങളില്‍ രാഹലിനെ അയോഗ്യനാക്കിയ സംഭവത്തില്‍ ബിജെപിക്ക് നേരെ രോഷം ഇളകി. പയറ്റിയ ആയുധം ബൂമറാങ് പോലെ ബിജെപിക്ക് തന്നെ തിരിച്ചടിച്ചു. ബിജെപി നിരന്തരം വേട്ടായടിയപ്പോഴും അതിനെയെല്ലാം പുഞ്ചിരിയോടെ നേരിട്ടു. മാപ്പ് പറയാന്‍ ഞാന്‍ സവര്‍ക്കറല്ല ഗാന്ധിയാണെന്ന പ്രസ്താവന യുവ്തം ആഘോഷിച്ചു. അക്ഷരാര്‍ത്ഥത്തില്‍ യുവത്വത്ത ഇളക്കി മറിച്ചു ഭാരത് ജോഡോ യാത്ര.

പ്രതിസന്ധികള്‍ അതിജീവിച്ചുള്ള, അഞ്ചു മാസത്തോളം നീണ്ട, ഇന്ത്യ കണ്ട ഏറ്റവും വലിയ പദയാത്ര പൂര്‍ത്തിയാക്കി രാഹുല്‍ ഗാന്ധി ചരിത്രം തീര്‍ത്തപ്പോള്‍ അത് കോണ്‍ഗ്രസ്സിന് നല്‍കിയ ആത്മവിശ്വാസവും പ്രതീക്ഷയും ചില്ലറയല്ല. ഒപ്പം രാഹുല്‍ ഗാന്ധിയുടെ പ്രതിച്ഛായയിലുണ്ടാക്കിയതും വലിയ മാറ്റങ്ങള്‍. യാത്രയിലുടനീളം താടി വളര്‍ത്തി, കൊടും തണുപ്പിലും ടീ ഷര്‍ട്ടുമാത്രമിട്ട് രാഹുല്‍ നടത്തിയ യാത്ര അദ്ദേഹത്തിന്റെ കായിക ശേഷിയെയും സഹനശേഷിയെയും കൂടി ബോധ്യപ്പെടുത്തി. പത്രസമ്മേളനങ്ങളിലും അളന്നു കുറിച്ചുള്ള മറുപടി. ഏതു ചോദ്യത്തിനും കൃത്യമായ രാഷ്ട്രീയ ബോധ്യത്തോടെയുള്ള ഉത്തരം. നടത്തം രാഷ്ട്രീയമാണെന്നും ജനങ്ങളുമായുള്ള ഇടപഴകല്‍ രാഷ്ട്രീയ പ്രവര്‍ത്തനമാണെന്നും ഇതെല്ലാം രാഷ്ട്രീയ വീക്ഷണത്തില്‍ കൂടുതല്‍ ഉള്‍ക്കാഴ്ച രൂപപ്പെടുത്തുമെന്നും വ്യക്തമാക്കുന്നുണ്ട്.