കര്ണാടകത്തില് മുഖ്യമന്ത്രിയെ തീരുമാനിക്കാനാകാത്ത കോണ്ഗ്രസില്, 85 എംഎല്എമാരും പിന്തുണക്കുന്നത് സിദ്ധരാമയ്യയെ.... ഡികെ ശിവകുമാര് മുഖ്യമന്ത്രിയാകണമെന്ന് ആവശ്യപ്പെട്ടത് 45 നിയമസഭാംഗങ്ങള്, പുതിയ മന്ത്രിസഭ വ്യാഴാഴ്ച സത്യപ്രതിജ്ഞ ചെയ്യും
കര്ണാടകത്തില് മുഖ്യമന്ത്രിയെ തീരുമാനിക്കാനാകാത്ത കോണ്ഗ്രസില്, 85 എംഎല്എമാരും പിന്തുണക്കുന്നത് സിദ്ധരാമയ്യയെ.... ഡികെ ശിവകുമാര് മുഖ്യമന്ത്രിയാകണമെന്ന് ആവശ്യപ്പെട്ടത് 45 നിയമസഭാംഗങ്ങള്, പുതിയ മന്ത്രിസഭ വ്യാഴാഴ്ച സത്യപ്രതിജ്ഞ ചെയ്യും
അതേസമയം ആറ് അംഗങ്ങള് മുഖ്യമന്ത്രിയെ ഹൈക്കമാന്റ് തീരുമാനിക്കട്ടേയെന്ന നിലപാടുകാരാണെന്നും എഐസിസി നിരീക്ഷക സമിതിയുടെ റിപ്പോര്ട്ട്. വിമത നീക്കത്തിനില്ലെന്ന് പറഞ്ഞ് ഡികെ ശിവകുമാര് രംഗത്ത് വന്നതോടെ ഇനി അധികം വൈകാതെ ഇക്കാര്യത്തില് തീരുമാനമുണ്ടാകുമെന്നാണ്പ്രതീക്ഷ.
എങ്കിലും പിസിസി അധ്യക്ഷനായ ഡികെ കടുത്ത അതൃപ്തിയിലാണെന്നാണ് വിവരം. ഇദ്ദേഹത്തെ അനുനയിപ്പിക്കാന് ഉപമുഖ്യമന്ത്രി പദവും സുപ്രധാന വകുപ്പുകളും അദ്ദേഹത്തിന് നല്കിയേക്കുമെന്നും കരുതുന്നു. എന്നാല് ഈ രണ്ട് പേരുടെ കാര്യത്തില് സമവായം എത്തിയാല് മാത്രം പ്രശ്നങ്ങള് തീരില്ല. സംസ്ഥാനത്ത് ഉപമുഖ്യമന്ത്രി പദത്തിന് മുതിര്ന്ന നേതാവ് എംബി പാട്ടീല് ഉള്പ്പെടെയുള്ള നേതാക്കള് അവകാശവാദം ഉന്നയിച്ച് രംഗത്ത് വന്നിട്ടുണ്ട്. നിലവില് ഡികെ ശിവകുമാറിനെ അനുനയിപ്പിക്കുന്നതിനുള്ള ശ്രമം നടത്തുന്ന കോണ്ഗ്രസ് നേതൃത്വത്തിന് മന്ത്രിസഭാ രൂപീകരണത്തില് മറ്റ് നേതാക്കളുടെ സമ്മര്ദ്ദത്തിനും ഉത്തരം കണ്ടെത്തേണ്ടി വരും.
മുഖ്യമന്ത്രിയെ തീരുമാനിക്കാനുള്ള ചര്ച്ചയ്ക്കായി ഡികെ ശിവകുമാറിനെ ഹൈക്കമാന്ഡ് ദില്ലിക്ക് വിളിപ്പിച്ചിരുന്നെങ്കിലും അദ്ദേഹം പോയില്ല. വയറില് അണുബാധയെന്ന് കാരണം പറഞ്ഞ് പിന്മാറുകയായിരുന്നു.
"
https://www.facebook.com/Malayalivartha
