പുതിയ പാര്ലമെന്റ് മന്ദിരത്തിന്റെ ഉദ്ഘാടനച്ചടങ്ങ് ബഹിഷ്ക്കരിക്കാന് പ്രതിപക്ഷ പാര്ട്ടികളുടെ തീരുമാനം.. സംയുക്ത പ്രസ്താവനയുമായി 19 പാര്ട്ടികള്
പുതിയ പാര്ലമെന്റ് മന്ദിരത്തിന്റെ ഉദ്ഘാടനച്ചടങ്ങ് ബഹിഷ്ക്കരിക്കാന് പ്രതിപക്ഷ പാര്ട്ടികളുടെ തീരുമാനം. കോണ്ഗ്രസ്, ഡിഎംകെ, തൃണമൂല് കോണ്ഗ്രസ്, ജനതാദള് യുണൈറ്റഡ്, ആംആദ്മി, ശിവസേന, എന്സിപി, എസ് പി, ആര്ജെഡി സിപിഐ, സിപിഎം, മുസ്ലിംലീഗ്, ജാര്ക്കണ്ട് മുക്തി മോര്ച്ച, നാഷണല് കോണ്ഫറന്സ്, കേരളാ കോണ്ഗ്രസ് എം, ആര്എസ്പി, രാഷ്ട്രീയ ലോക്ദള്, വിടുതലൈ ചിരുതൈഗള് കച്ചി, എംഡിഎംകെ അടക്കം 19 പാര്ട്ടികള് സംയുക്ത പ്രസ്താവനയിറക്കി.
അതേ സമയം, ബി ആര് എസ്, ബിജു ജനതാദള്, വൈഎസ് ആര് കോണ്ഗ്രസ് എന്നീ പാര്ട്ടികള് ഇതുവരെയും നിലപാടറിയിച്ചിട്ടില്ല. രാഷ്ട്രപതിയെ ചടങ്ങിലേക്ക് ക്ഷണിക്കാത്തതില് പ്രതിഷേധിച്ചാണ് ചടങ്ങ് ബഹിഷ്കരിക്കാനുള്ള പ്രതിപക്ഷത്തിന്റെ തീരുമാനം.
ഞായറാഴ്ച ഉച്ചയ്ക്കാണ് പുതിയ പാര്ലമെന്റ് മന്ദിരത്തിന്റെ ഉദ്ഘാടനം. ലോക്സഭ സെക്രട്ടറി ജനറല് എംപിമാര്ക്ക് ഓദ്യോഗികമായി കത്തയച്ചു തുടങ്ങി. ലോക്സഭാ സ്പീക്കറുടെ സാന്നിധ്യത്തില് പ്രധാനമന്ത്രി നരേന്ദ്രമോദി മന്ദിരം ഉദ്ഘാടനം ചെയ്യുമെന്നാണ് കത്തില് സൂചിപ്പിച്ചിട്ടുള്ളത്. എന്നാല് രാഷ്ട്രപതിയാണ് പുതിയ പാര്ലമെന്റ് മന്ദിരം ഉദ്ഘാടനം ചെയ്യേണ്ടതെന്ന നിലപാടാണ് പ്രതിപക്ഷ പാര്ട്ടികള് മുന്നോട്ട് വെക്കുന്നത്.
https://www.facebook.com/Malayalivartha
