രാജ്യതലസ്ഥാനത്ത് സുരക്ഷാ ശക്തമാക്കി.... പുതിയ പാര്ലമെന്റ് മന്ദിരത്തിന്റെ ഉദ്ഘാടനത്തിന്റെ പശ്ചാത്തലത്തില് വന് സുരക്ഷാ ക്രമീകരണങ്ങളുമായി ഡല്ഹി പൊലീസ്....രാഷ്ട്രപതി ഭവന്റെ നാല് കിലോമീറ്റര് ചുറ്റളവിലും നിയന്ത്രിത പ്രദേശമായി പ്രഖ്യാപിച്ചു,ഗുസ്തി താരങ്ങളുടെ സമരവും, കര്ഷകരുടെ സമരവും കൂടി കണക്കിലെടുത്ത് കടുത്ത നിയന്ത്രണം
രാജ്യതലസ്ഥാനത്ത് സുരക്ഷാ ശക്തമാക്കി.... പുതിയ പാര്ലമെന്റ് മന്ദിരത്തിന്റെ ഉദ്ഘാടനത്തിന്റെ പശ്ചാത്തലത്തില് വന് സുരക്ഷാ ക്രമീകരണങ്ങളുമായി ഡല്ഹി പൊലീസ്....രാഷ്ട്രപതി ഭവന്റെ നാല് കിലോമീറ്റര് ചുറ്റളവിലും നിയന്ത്രിത പ്രദേശമായി പ്രഖ്യാപിച്ചു.
രാവിലെ അഞ്ചര മുതല് ഉച്ചയ്ക്ക് മൂന്ന് മണി വരെ കടുത്ത നിയന്ത്രണങ്ങള് പ്രഖ്യാപിച്ചു.ഗുസ്തി താരങ്ങളുടെ സമരം കൂടി കണക്കിലെടുത്താണ് കടുത്ത നിയന്ത്രണം കൊണ്ട് വന്നിട്ടുള്ളത്. പുതിയ പാര്ലമെന്റ് ഉല്ഘാടനം ഞായറാഴ്ച ഉച്ചയ്ക്ക് പന്ത്രണ്ട് മണിക്ക് നടത്താനാണ് നിശ്ചയിച്ചിട്ടുള്ളത്്. രാഷ്ട്രപതിയെ ചടങ്ങിലേക്ക് ക്ഷണിക്കാത്തതില് പ്രതിഷേധിച്ച് കോണ്ഗ്രസടക്കമുള്ള പ്രതിപക്ഷ പാര്ട്ടികള് ചടങ്ങ് ബഹിഷ്കരിക്കുമെന്ന് നിലപാടെടുത്തിരിക്കുകയാണ്.
ഈ സാഹചര്യത്തിലാണ് രാജ്യതലസ്ഥാനത്ത് സുരക്ഷാ ശക്തമാക്കിയത്. കൂടാതെ, ഗുസ്തി താരങ്ങളുടെ സമരവും കണക്കിലെടുത്തിട്ടുണ്ട്. ഗുസ്തി താരങ്ങളുടെ സമരം ദില്ലിയിലെ ജന്തര് മന്തറില് നിലവില് തുടരുന്നു. സമരത്തിന് പിന്തുണ പ്രഖ്യാപിച്ച് കര്ഷക സംഘടനകള് രംഗത്തെത്തിയിരുന്നു. ഈ മാസം 28ന് ഡല്ഹിയുടെ അതിര്ത്തികളില് നിന്ന് മാര്ച്ച് നടത്താനുള്ള തീരുമാനത്തിലാണ് കര്ഷകര്.
മാര്ച്ച് സമാധാനപരമായിരിക്കുമെന്നും കര്ഷകര് അറിയിച്ചു. തിക്രി, ഗാസിപ്പൂര്, സിംഘു എന്നിവിടങ്ങളില് കര്ഷകര് എത്തും. പതിനൊന്നരയ്ക്ക് ജന്തര്മന്തറില് നിന്ന് പുതിയ പാര്ലമെന്റിലേക്ക് മാര്ച്ച് നടത്തും. ഇതോടൊപ്പം മൂന്ന് അതിര്ത്തികളില് നിന്നും ഡല്ഹിക്ക് അകത്തേക്ക് മാര്ച്ച് നടത്തുകയും ചെയ്യും.
https://www.facebook.com/Malayalivartha
