ലഷ്‌കറെ ത്വയിബ നേതാവ് അബ്ദുല്‍ സലാം ഭുട്ടവി പാക് ജയിലില്‍ മരിച്ചു. 2008 നവംബ 26ലെ മുംബായ് ആക്രമണ മുന്നൊരുക്കത്തിന് സഹായിച്ച ആളാണ് അബ്ദുല്‍ സലാം. ഹൃദയാഘാതം മൂലമാണ് അന്ത്യം. തീവ്രവാദ പ്രവര്‍ത്തനങ്ങള്‍ക്ക് ഫണ്ടിംഗ് നടത്തിയ കേസില്‍ ശിക്ഷ അനുഭവിക്കുകയായിരുന്നു. പഞ്ചാബ് പ്രവിശ്യയിലെ ശൈഖുപുര ജയിലില്‍ ഇന്നലെയായിരുന്നു മരണം.

അബ്ദുല്‍ സലാം ഭുട്ടവിയെ 2012ല്‍ യുഎന്‍ സുരക്ഷാ കൗണ്‍സില്‍ തീവ്രവാദിയായി പ്രഖ്യാപിച്ചു. പിന്നെയും നിരവധി വര്‍ഷങ്ങള്‍ക്ക് ശേഷമാണ് പാകിസ്ഥാന്‍ ഭുട്ടവിയെ അറസ്റ്റ് ചെയ്തത് . ഹാഫിസ് സയീദിന്റെ ഭാര്യാസഹോദരന്‍ അബ്ദുല്‍ള്‍ റഹ്മാന്‍ മാക്കിക്കൊപ്പം തീവ്രവാദത്തിന് സാമ്പത്തിക സഹായം നല്‍കിയ കേസില്‍ ശിക്ഷിക്കപ്പെടുകയും ചെയ്തു.

2020 ഓഗസ്റ്റില്‍. ഭുട്ടവിയെ 16 വര്‍ഷത്തെ തടവിന് ശിക്ഷിച്ചു. 2002ലും 2008ലും ലഷ്‌കറെ സ്ഥാപകന്‍ ഹാഫിസ് സഈദിനെ പാകിസ്ഥാന്‍ പിടികൂടിയ സമയത്ത് സംഘടനയുടെ നേതൃത്വത്തില്‍ ഭുട്ടവിയായിരുന്നു. 2008 നവംബറിലെ മുംബൈ ഭീകരാക്രമണത്തിന് സഹായിച്ചത് പിടിച്ചത് ഭുട്ടവിയായിരുന്നു . ലഷ്‌കറെ/ജമാഅത്ത്ഉദ്ദവ മദ്രസ ശൃംഖലയുടെ ഉത്തരവാദിത്തം ഭുട്ടവിയ്ക്കായിരുന്നു. രാജ്യത്തെ നടുക്കിയ മുംബായ് ആക്രമണത്തില്‍ വിദേശികളടക്കം 166 പേര്‍ക്കാണ് ജീവന്‍ നഷ്ടമായത്. മുന്നൂറിലേറെ പേര്‍ക്ക് പരിക്കേല്‍ക്കുകയും ചെയ്തു.