മുസ്ളീം ലീഗ് മതേതര പാര്ട്ടിയാണെന്ന രാഹുല് ഗാന്ധിയുടെ പ്രസ്താവനയോട് പ്രതികരിച്ച് അല്ഫോന്സ് കണ്ണന്താനം
മുസ്ലീം വിഭാഗത്തില് നിന്നുള്ളവര്ക്ക് മാത്രമായുള്ള പാര്ട്ടിയാണ് മുസ്ളീം ലീഗെന്ന് ബിജെപി നേതാവ് അല്ഫോന്സ് കണ്ണന്താനം. മുസ്ളീം ലീഗ് മതേതര പാര്ട്ടിയാണെന്ന രാഹുല് ഗാന്ധിയുടെ പ്രസ്താവനയോട് പ്രതികരിക്കുകയായിരുന്നു അദ്ദേഹം. ലീഗില് മുസ്ളീങ്ങള് മാത്രമാണ് അംഗങ്ങളെന്നും ഹിന്ദുക്കളോ ക്രിസ്ത്യാനികളോ ഉള്പ്പെടുന്നില്ലെന്ന് അല്ഫോണ്സ് കണ്ണന്താനം പറഞ്ഞു.
തീവ്രവാദം, മതമൗലികവാദം എന്നിവയില് ലീഗ് പ്രതികരിക്കാറില്ല. കേരളം ഐ എസിന്റെ പരീക്ഷണശാലയായിട്ട് പോലും പാര്ട്ടി എന്ന നിലയില് ഒരക്ഷരം പോലും ഉരിയാടിയില്ലെന്നും ബിജെപി നേതാവ് അറിയിച്ചു. കാര്യങ്ങള് മനസിലാക്കാനുള്ള കഴിവില്ലാതെയാണ് രാഹുല് ഗാന്ധി ലീഗിനെക്കുറിച്ച് അഭിപ്രായ പ്രകടനം നടത്തിയതെന്നും അല്ഫോന്സ് കണ്ണന്താനം വിമര്ശിച്ചു.
അതേസമയം മുസ്ളീം ലീഗ് പൂര്ണമായും മതേതര പാര്ട്ടിയാണെന്ന് അമേരിക്കന് സന്ദര്ശനത്തിനിടയില് രാഹുല് ഗാന്ധി പറഞ്ഞിരുന്നു. മതേതരമല്ലാത്തതായി ഒന്നും ലീഗിലില്ല എന്നായിരുന്നു ന്യൂയോര്ക്കില് മാദ്ധ്യമങ്ങളോട് സംവദിക്കവേ അദ്ദേഹം പറഞ്ഞത്. ബി ജെ പിയേയും മുസ്ലീം ലീഗിനെയും താരതമ്യം ചെയ്തുള്ള മാദ്ധ്യമപ്രവര്ത്തകന്റെ ചോദ്യത്തോട് പ്രതികരിക്കുകയായിരുന്നു രാഹുല് ഗാന്ധി.
'ഹിന്ദുക്കളുടെ പാര്ട്ടിയായ ബി ജെ പിയെ വിമര്ശിച്ച് മതേതരത്തെക്കുറിച്ച് താങ്കള് സംസാരിച്ചു. എന്നാല് താങ്കള് എം പിയായിരുന്ന കേരളത്തില്, മുസ്ലീം പാര്ട്ടിയായ മുസ്ലീം ലീഗുമായി കോണ്ഗ്രസ് സഖ്യത്തിലാണല്ലോ' എന്നായിരുന്നു മാദ്ധ്യമപ്രവര്ത്തകന്റെ ചോദ്യം. 'മുസ്ലീം ലീഗ് പൂര്ണമായും മതേതര പാര്ട്ടിയാണ്. മതേതരമല്ലാത്ത ഒന്നും അതിലില്ല. എനിക്ക് തോന്നുന്നു ചോദ്യം ചോദിച്ചയാള് മുസ്ലീം ലീഗിനെക്കുറിച്ച് ഒന്നും പഠിച്ചിട്ടില്ലെന്ന്.' രാഹുല് ഗാന്ധി പറഞ്ഞു.
https://www.facebook.com/Malayalivartha
