ഒ​രാ​ഴ്ച​യ്ക്കു​ള്ളി​ൽ കുറ്റപത്രം;ബ്രിജ്ഭൂഷണെതിരേ നടപടിയുണ്ടാകുമെന്ന് മന്ത്രിയുടെ ഉറപ്പ്... ..ജൂ​ൺ 15 ന് ​കേ​സി​ന്‍റെ ത​ൽ​സ്ഥി​തി വി​വ​രം താ​ര​ങ്ങ​ളെ അ​റി​യി​ക്കും. ഈ ​മാ​സം 30 ന് ​മു​ൻ​പ് ഗു​സ്തി ഫെ​ഡ​റേ​ഷ​ൻ തെ​ര​ഞ്ഞെ​ടു​പ്പ് ന​ട​ത്തും. ന​ട​പ​ടി ഉ​ണ്ടാ​യി​ല്ലെ​ങ്കി​ൽ സ​മ​രം തു​ട​രും

​ലൈം​ഗികാരോ​പ​ണം നേ​രി​ടു​ന്ന ഇന്ത്യന്‍ ഗു​സ്തി ഫെ​ഡ​റേ​ഷ​ൻ അ​ധ്യ​ക്ഷ​നും ബി​ജെ​പി എം​പി​യു​മാ​യ ബ്രി​ജ് ഭൂ​ഷ​ണി​നെ​തി​രെ ഒ​രാ​ഴ്ച​യ്ക്കു​ള്ളി​ൽ കു​റ്റ​പ​ത്രം സ​മ​ർ​പ്പി​ക്കു​മെ​ന്ന മന്ത്രിയുടെ ഉ​റ​പ്പി​ൽ വ​നി​താ ഗു​സ്തി​താ​ര​ങ്ങ​ളു​ടെ സ​മ​രം ജൂണ്‍ 15 വരെ നിര്‍ത്തിവെ​ച്ചു. ഗുസ്തി താരം ബജ്‌റംഗ് പുനിയ ആണ് ഇക്കാര്യം അറിയിച്ചത് . കേ​ന്ദ്ര കാ​യി​ക മ​ന്ത്രി അ​നു​രാ​ഗ് താ​ക്കൂ​റു​മാ​യി ന​ട​ത്തി​യ ച​ർ​ച്ച​യെ തു​ട​ർ​ന്നാ​ണ് സ​മ​രം താ​ൽ​ക്കാ​ലി​ക​മാ​യി നി​ർ​ത്തി​വ​യ്ക്കാ​ൻ തീ​രു​മാ​ന​മാ​യ​ത്. ജൂണ്‍ 15 നു മുൻപ് ബ്രിജ് ഭൂഷനെതിരെ പോലീസ് നടപടിയുണ്ടാകുമെന്ന ഉറപ്പിനെത്തുടര്‍ന്നാണ് തീരുമാനം എടുത്തതെന്നും വിഷയം കര്‍ഷക നേതാക്കളുമായി ചര്‍ച്ചചെയ്യുമെന്നും ബജ്‌റംഗ് പുനിയ വ്യക്തമാക്കി

പോ​ലീ​സ് അ​ന്വേ​ഷ​ണം പൂ​ർ​ത്തി​യാ​കു​ന്ന​തു​വ​രെ ബ്രി​ജ് ഭൂ​ഷ​ണി​നെ​തി​രാ​യ പ്ര​തി​ഷേ​ധം താ​ൽ​ക്കാ​ലി​ക​മാ​യി നി​ർ​ത്തി​വയ്ക്കണമെന്ന് ഗു​സ്തി താ​ര​ങ്ങ​ളോ​ട് ആ​വ​ശ്യ​പ്പെ​ട്ട​താ​യി സാ​ക്ഷി മാ​ലി​ക് പ​റ​ഞ്ഞു. ഗു​സ്തി​താ​ര​ങ്ങ​ൾ​ക്കെ​തി​രാ​യി എ​ടു​ത്ത കേ​സു​ക​ൾ പി​ൻ​വ​ലി​ക്കു​മെ​ന്നും സ​ർ​ക്കാ​ർ ഉ​റ​പ്പ് ന​ൽ​കിയിട്ടുണ്ട് .

കായികമന്ത്രി അനുരാഗ് ഠാക്കൂറുമായി ബുധനാഴ്ച നടത്തിയ ചർച്ചയിൽ അഞ്ച് പ്രധാന ആവശ്യങ്ങൾ താരങ്ങൾ മുന്നോട്ടുവെച്ചു. ലൈംഗിക ആരോപണങ്ങള്‍ നേരിടുന്ന ബ്രിജ് ഭൂഷനെ അറസ്റ്റ് ചെയ്യണമെന്നാണ് ഗുസ്തി താരങ്ങളുടെ പ്രധാന ആവശ്യം. ഫെഡറേഷന്‍ തിരഞ്ഞെടുപ്പ് ഉടന്‍ നടത്തണമെന്നും തലപ്പത്ത് സ്ത്രീ പ്രാതിനിധ്യം വേണമെന്നും അവര്‍ ആവശ്യപ്പെട്ടു. തിരഞ്ഞെടുപ്പിൽ ബ്രിജ് ഭൂഷന്റെ കുടുംബക്കാരെ മത്സരിപ്പിക്കരുത്, പ്രതിഷേധിച്ച താരങ്ങളുടെ പേരിലുള്ള എഫ്.ഐ.ആര്‍ പിന്‍വലിക്കണം തുടങ്ങിയ ആവശ്യങ്ങളും അവർ മുന്നോട്ടുവെച്ചു.

ജൂ​ൺ 15 ന് ​കേ​സി​ന്‍റെ ത​ൽ​സ്ഥി​തി വി​വ​രം താ​ര​ങ്ങ​ളെ അ​റി​യി​ക്കും. ഈ ​മാ​സം 30 ന് ​മു​ൻ​പ് ഗു​സ്തി ഫെ​ഡ​റേ​ഷ​ൻ തെ​ര​ഞ്ഞെ​ടു​പ്പ് ന​ട​ത്തും. ന​ട​പ​ടി ഉ​ണ്ടാ​യി​ല്ലെ​ങ്കി​ൽ സ​മ​രം തു​ട​രു​മെ​ന്ന് കാ​യി​ക മ​ന്ത്രി​യെ ഗു​സ്തി താ​ര​ങ്ങ​ളും അ​റി​യി​ച്ചു.

താരങ്ങളുമായി ആറു മണിക്കൂര്‍ നീണ്ട ചര്‍ച്ച നടത്തിയതായി കേന്ദ്രമന്ത്രി അനുരാഗ് ഠാക്കൂര്‍ അറിയിച്ചു. ജൂണ്‍ 15-നകം അന്വേഷണം പൂര്‍ത്തിയാക്കി കുറ്റപത്രം സമര്‍പ്പിക്കും. ഫെഡറേഷന്‍ തലപ്പത്തേക്കുള്ള തിരഞ്ഞെടുപ്പ് ജൂണ്‍ 30-നകം നടത്തും. ഒരു വനിതയുടെ നേതൃത്വത്തിൽ ആഭ്യന്തര പരാതി പരിഹാര കമ്മിറ്റി രൂപവത്കരിക്കുമെന്നും അദ്ദേഹം അറിയിച്ചു