കണ്ണീരടക്കാനാവാതെ... മദ്ധ്യപ്രദേശിലെ സെഹോറില്‍ കുഴല്‍ക്കിണറില്‍ വീണ രണ്ടര വസുകാരിക്ക് ദാരുണാന്ത്യം. മദ്ധ്യപ്രദേശിലെ സെഹോര്‍ സ്വദേശിയായ സൃഷ്ടിയാണ് മരിച്ചത്.

വീടിനടുത്ത് കളിക്കുന്നതിനിടെ ചൊവ്വാഴ്ച ഉച്ചയ്ക്ക് ഒന്നിനാണ് കുട്ടി കുഴല്‍ക്കിണറില്‍ വീണത്. 300 അടി താഴ്ചയുള്ള കുഴല്‍ക്കിണറിലാണ് പതിച്ചെതെങ്കിലും 100 അടിയില്‍ തങ്ങി നില്‍ക്കുകയായിരുന്നു.

രക്ഷാപ്രവര്‍ത്തനത്തിടെ 135 അടിയിലേക്ക് കുഞ്ഞ് വീണ്ടും വീണു. 50 മണിക്കൂറിലേറെ നീണ്ട രക്ഷാപ്രവര്‍ത്തനത്തിന് ശേഷം കുഞ്ഞിനെ ഇന്നലെ വൈകുന്നേരം അഞ്ചരയോടെയാണ് പുറത്തെടുത്ത് ആശുപത്രിയിലെത്തിച്ചെങ്കിലും മരിച്ചു. രക്ഷാപ്രവര്‍ത്തനത്തിന് ഗുജറാത്തില്‍ നിന്നുള്ള റോബട്ടിക് വിദഗ്ദ്ധരുള്‍പ്പെട്ട സംഘത്തില്‍ സൈന്യവും ദേശീയ ദുരന്ത നിവാരണ അതോറിട്ടിയും പങ്കെടുത്തിരുന്നു.