സി.ബി.എസ്.സി വിദ്യാര്‍ത്ഥികളുടെ പാഠപുസ്തകങ്ങളും പഠനസഹായികളും സൗജന്യമായി ഓണ്‍ലൈനില്‍ ലഭ്യമാക്കാന്‍ തീരുമാനം. കേന്ദ്രവിദ്യാഭ്യാസ മന്ത്രി സ്മൃതി ഇറാനി അറിയിച്ചതാണിത്.
കിഴക്കന്‍ ഡല്‍ഹിയിലെ കേന്ദ്രീയ വിദ്യാലയത്തില്‍ സംഘടിപ്പിച്ച പരിപാടിയില്‍ പങ്കെടുത്ത് സംസാരിക്കുകയായിരുന്നു അവര്‍. ഇബുക്ക് സംവിധാനത്തിലൂടെയും മൊബൈല്‍ ആപ്‌സ് മുഖേനയും എന്‍.സി.ഇ.ആര്‍.ടി പുസ്തകങ്ങള്‍ ഓണ്‍ലൈനില്‍ ലഭ്യമാക്കി തുടങ്ങിയതായും സ്മൃതി ഇറാനി അറിയിച്ചു.
കേന്ദ്രീയ വിദ്യാലയങ്ങളില്‍ ഒന്നു മുതല്‍ പത്ത് വരെ പഠിക്കുന്ന വിദ്യാര്‍ത്ഥികളുടെ ഹാജര്‍നില, ടൈംടേബിള്‍, മാര്‍ക്ക് തുടങ്ങിയവ രക്ഷിതാക്കളെ എസ്.എം.എസ് മുഖേന അറിയിക്കുന്ന ശാല ദര്‍പ്പണ്‍ പദ്ധതി അടുത്ത അധ്യയന വര്‍ഷം മുതല്‍ തുടങ്ങുമെന്നും അവര്‍ അറിയിച്ചു. വിഷയത്തിന്റെ അടിസ്ഥാനത്തില്‍ മാര്‍ക്ക് താരതമ്യം ചെയ്യുന്നതിനുള്ള സര്‍നാഷ് പദ്ധതിയും അടുത്ത വര്‍ഷം ആരംഭിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha